中五夜校(需要考會考)

我知道路德會沙田夜校收中四升上中五的文理商科。

大埔附近好似只剩瑪利亞有夜校﹐但係我隔離位的同學之前去讀﹐讀左一晚就轉左黎路德會沙田夜校讀啦。我個同學住粉嶺﹐佢寧願走遠D 讀﹐因為我個朋友真心想讀書﹐唔想求其捱個中五畢業就算。而且北區又冇夜校﹐最近的要算沙田。

雖然我個同學考得唔算太好﹐對於一般人來說﹐不過佢都好滿意﹐因為佢自己個底好差﹐日校又唔理佢地﹐只係理D成績好果D。

但係讀夜校真係好靠自己﹐因為平時上堂時間唔夠﹐老師又要教書﹐操練就要自己下苦功﹐不過有唔明老師都好樂意幫我地﹐同埋我地班上課氣氛都 OK﹐勤力的都真係認真咖。

視乎你係咪想讀書啦。你諗住求其捱過中五的話﹐去邊都冇所謂啦﹐我果班都有﹐但若果真心想讀的話﹐就真係要揀間上課氣氛好的夜校啦。呢家夜校所餘無幾﹐留得底的我諗都有某D優點既。