我想問認股證會唔會放唔到?

認股證當然有機會變廢紙！

In your case, 我會睇幾樣野啦：
到期日2007-07-25，行使價$5.4，換股比率1……即係話到期時你可以用$5.4加你call輪geh價錢(你的買入價$0.017)換一股工行。但工行星期五收$4.78，所以你隻call輪係好價外。你隻call仲好近到期日，屬末日輪。除非7月25日前工行可以升到$5.42，咁你先唔使蝕。

至於接貨，其實隻輪炒到街貨有成7、8成，都好離譜地炒到過晒龍。你如果真係唔想蝕到變廢紙geh，可以試試放係0.00幾，睇下有無人接你手啦。

好老實講，都真係好大機會變廢紙……增值下先買輪啦，畢竟風險都係比正股高

認股證價格係由內在值加時間值而成，隻2214沒有內在值(即不是價內)，所以只係剩下時間值0.01，但你都好清楚隻2214到期日2007-07-25，即係末日輪，隻2214仲有8個交易日到期，最後交易日係19日，即仲有四個交易日就停止買賣，而行使價係5.4。....我純個人意見，反正你隻2214好大機會變廢紙.，又跌無可跌，0.01係最細面值。而且你禮拜一都未必放到，(認股證價位在0.01時莊家無需履行規定出價接貨，而散戶更家唔會幫你接)，你唯有博隻工行下禮拜四個交易日內上升，令2214時間值急上，令莊家幫你接貨，但要快手快腳，(原理係正股上升反而令就到期的末日輪有一定機會被行使，所以時間值會急上)，如你好彩博到翻本或微利的話就當然恭喜你，但到時千萬不要諗住貪心揸到期，因股票認股證結算係計到期日前五個交易日正股的平均價，即7月19日至7月25日五個交易日的平均價，分分鐘又被人殺到雞毛鴨血，最後勸喻你小心投資，祝你好運。