個魚缸有一陣醒臭味！點算？

印像中成日答你，所以睇返你ｄ舊問題，由最初問冇濾水得唔得，依家有濾水器，好丫
圖片參考：http://hk.yimg.com/i/icon/16/1.gif
但係．．．係乜野濾水器？
水有臭味，最簡單就係用活性碳放入濾水器度。日日換水同綿都冇用！因為只係治標唔治本，甚至適得其反。
濾水器最基本要有棉同生物環，棉用o黎隔走大粒o既屎，生物環用o黎養菌，因為佢地會幫你清理水中o既氮化物。你個缸依家有臭味，即係水質有問題，可能係死魚，可能係濾水效能不足（菌量／流量不足）。一個運作良好o既缸，ｄ水唔會臭／腥，我個三十寸缸放係睡房都冇人投訴。
當你個新缸係32x16寸，大約就有 60 L 水，咁濾水器流量最少要有每小時 360 L，先可以將水每小時循環六次，仲係唔計用得耐塞左ｄ。如果係用ｄ小型濾水器，甚至冇生物環只得棉，咁你隔日換棉就衰多兩錢！
廿年前冇生物環，ｄ人用缸頂濾水器，舊棉用到黑哂都唔掉，因為有好多益菌！好似紫砂茶壺一樣，ｄ漬先係寶！不停用新棉，冇菌處理ｄ廢物，硝化菌系統永遠建立唔到，就永遠都唔會水清／水質好。而換入o既水亦要事先裝好放一日，等氯氣消散，否則又係殺菌。
不過點都好，你要搵出水質變壞o既原因。有冇搵過ｄ草／石／木隙有冇死魚／蝦／螺？會唔會你又學人買ｄ菌水，落得多得滯？有冇落藥殺左ｄ菌？
事到如今，養定水，一次換一半，細心搵下有冇死屍，唔好加菌，等！如果你個濾水器唔夠力，就又要破費啦（冇法，睇你ｄ問題，你短短時日換到第三個缸，缸大左濾水就要 upgrade 架啦）。

2007-07-14 00:47:50 補充：
樓上話半年全缸清潔，呢個係清缸（有泥底）o既做法。唔o岩你用。濾棉同濾水器只要用魚缸舊水沖下就得，唔駛擦。最重要係，養魚先養菌，一個「等」字，係新手最難做到o既，但呢個係唯一可以建立一個完整硝化系統o既做法。

2007-07-16 23:43:39 補充：
1. 魚缸有臭味，絕對唔正常！臭即係水質變差啦，我個缸30寸放睡房，只係有水味，冇腥臭味。2. 你成32寸o既缸，掛濾絕對唔夠架啦，要儲錢買濾桶啦。

活性炭有吸味作用, 或可買藥水時睇下說明, 有D藥水包埋吸味作用, 剩係換水唔得o既!!

你個魚缸有冇用活性碳??冇就要用

重有,你要留意水質&魚缸周邊、轉角位有冇青苔等植物

1.你個魚缸有一陣醒臭味,咁你就放一些活性碳。

2.一星期換一次水。

3.不用隔日換瀘水器內的綿,一個月換瀘水器內的綿都ok。

4.半年洗魚缸一次。

你最大的錯誤, 就是你太勤力了, 其實反而係因為你經常換水, 洗濾水器, 所以唔能夠養出一些硝化細菌, 我以前都試過, 越整越衰.
問題就是你清洗左濾水器, 令到佢無了有益的硝化細菌去幫你分解有害細菌而產生臭味, 你現在可做的, 再換大半缸舊水(先放一兩天的水喉水), 落d硝化細菌藥水(金魚街有售), 死都唔好再洗濾水器, 等三天一定發覺水會慢慢變清. 濾水器不用時常洗, 就算要洗棉花, 都要用換出來的魚水洗, 如果唔係就又殺死d硝化細菌, 水又再變濁同臭. 信不信由你, 我問左好多金魚店同自己試過先夠膽講, 因為好多人, 包括我都好憎見到d水好濁. 水一濁就忍不住去換水,又用水喉水直接洗濾水器, 洗到佢乾乾淨淨, 咩有益的細菌都死晒, 水就更濁! 現在我保持三至四天換三份一, 一星期至十日換二份一, 用抽出來的污魚水洗濾水器同棉花, d水清到你唔信 . 但要記住, 不要落清水劑, 會殺死晒d有益細菌, 治標不治本呀!

瀘水綿內加活性炭，魚舖有得賣，包你見效。

魚缸有一陣醒臭味是正常的You can't alway 換水，two to three week one thim ，要換水不能用立刻從水喉得到的水，因有氯氣，把水放一至二日

2007-07-14 00:22:55 補充：
魚缸有一陣醒臭味是正常的You can't alway 換水，two to three week one thim ，要換水不能用立刻從水喉得到的水，因有氯氣，把水放一至二日 後才換水

其實祗係換1/3水是不能,魚池要大約半年清洗全缸一次,把四邊玻璃和沙石清潔,全缸水更換就可以....