澳門金沙賭場還有否自助餐供應? 幾多錢一位?

金沙仍有自助餐供應, 晚餐是188 +10%, 但在賭場申請了會員卡後有折
2006年有一時間係取消過, 裝修之後又開返, 但地方只有原來的1/3, 食物種類亦少了, 現在是以冷盤為主, 食物質量仍ok
但我會選擇皇冠(crown)酒店的自助餐, 價錢差不多, 加一之後唔到200, 申請會員卡之後有95折, 食物好過金沙, 裝修又靚, 坐得又舒服, 食物質量又高, 但亦是以冷盤為主, 而且以海鮮為主, 不喜歡海鮮者就唔多適合, 佢有龍蝦, 長腳蟹, 生蠔, 各種魚生, 海膽壽司, 天婦羅軟殼蟹....., 水果有成十款, 會有比較好的時令水果, 例如山竹, 大樹波羅等, 甜品亦不錯, 但沒有雪糕。
如果喜歡熱盤, 可以選擇新葡京的自助山, 雖然有網友話佢的食物是外面訂回來的, 但其他地方亦未必不是, 所以整體食左之很覺得滿意就ok, 佢有近100m長的地方放食物, 可以話一次係冇可能食得晒, 冷盤熱盤都多, 但沒有皇冠那麼精, 甜品比較差。價錢連埋加一, 都係200元之內。
總的來說, 我會推薦皇冠, 然後自助山, 再然後先係金沙。