PHYS, CHEM, BIO

Phys, Chem, Bio 哪一科是最難讀的? 為什麼? (請客觀解釋其原因!)
各有難處. 正因為人人天賦不同, 所以有人覺得bio難d, 有人覺得易d...
bio 有好多野係靠串字, 生字多, 又唔似英文[多數係拉丁或希臘文轉過來的字]. 好多人串唔掂, 記唔實就會覺得難. 如果係中文學校會好d. 但始終三科裡面, 語文運用係bio係佔最大比例, 所以語文好既人會有優勢.
bio 考既野係比較貼近日常生活, 出題亦常有時事有關既野, 留意新聞, 身邊事物, 同識變通既人會比較掌握得好, 而淨係刨書, 做舊卷咁來應付考試既人, 就會覺得唔知點入手啦.
同其他理科一樣, bio都考你可唔可以舉一反三, 但抽象既程度就冇咁高. 例如phy要用到既數學公式會複雜d, 數學根柢唔夠好既人就會吃力d. 有d理論好似核分裂呢d顯微鏡都睇唔到, 或者計算萬有引力呢d冇可能做實驗, 要求學生運用空間, 時間概念, 亦唔係人人做得到.
chem 更加奇怪. 讀到高年級會分physical chem 同 organic chem, 有部分似phy, 有部分又有好多生物既份子, 再讀上去, 仲有biochemistry 呢d又唔bio又唔chem 既野. 所以都概括唔到讀chem 究竟要咩專長先讀得好, 我諗可能係介乎phy同bio之間掛.
至於點解係phy chem bio, 我諗係講慣既啫. 中國人講野係鍾意炒埋一碟架啦, 咩中英數常, 好多時d人睇英文仲緊要過中文架啦, 文理社商, 唔係話文高過理, 理高過商, 其實係順口啫.

Phy Chem Bio

我個人而言，
Phys和Chem都好難讀.
只有 Bio 最容易讀.
因為Phys和Chem太多專有名詞和理論.

另外,大家常說PHYS, CHEM, BIO,
只是順口而已,
沒有特別意思的.

這不過是順口而已...沒什麼特別...