動物之森一問

一開始玩，你可以先靠搖樹黎賺錢，搖水果賣俾商店既狸貓外，每日都可以係3棵普通樹上搖到一袋錢(100bells)。但位置每日都唔同。

釣魚方面，你放佐魚餌之後，你要耐心ｄ等魚埋黎，當你見到魚餌沉入水度，又有“dum”一聲，你就立即按A制，就可以釣到條魚上黎架啦。技巧方面，你試多幾次就可以捉得準ｄ時間架啦。

掘野方面，你可以用泥鏟對ｄ有裂痕既地方按Ａ制，咁你會掘到化石、土偶或者陷阱種子。化石要拎俾博物館既貓頭鷹鑑定完先可以賣到錢。價錢要視乎係乜野化石。土偶既價格一致，大約840 bells。陷阱種子唔值錢，只係整蠱人用。

至於屋企有蟑螂，可能係因為你太耐冇開機。不過唔駛驚，你追住ｄ蟑螂踩死佢地就得架啦。

屋既貸款唔駛急住還既，因為冇限時。只係，如果你還完而家既貸款，就可以擴建自己間屋。最多可以擴建５－６次，價錢都越黎越貴。傢俬方面，你唔夠錢買，你可以去村公所既回收箱睇下有冇免費傢俬。或者你又可以多ｄ同村民傾計，佢地有時會叫你幫佢做ｄ野，可能係送貨式送信。做完同返個村民傾計，佢地會送錢或者係傢俬之類既野俾你。

其實有一個比較冒險既賺錢方法：買turnip，分紅白兩種。白turnip好似玩股票咁，每個星期日既早上，有隻山豬黎你條村度賣。你買完之後，每日都去商店度問下狸貓turnip價格，每日好似有３次既改變。以低價由山豬度買入，再高價賣俾商店既狸貓，可以用最快既方法賺大錢。但一星期後，你手上既白色turnip會變壞。如果唔想變壞，你可以係屋入面放一張枱，將ｄ turnip放上枱，咁你放幾耐都唔會變壞架啦，呢個方法可以將風險降到變成零。

而紅色既turnip，你係山豬度用1,000 bells買返黎後，種係泥土入面，每日都一定要淋水，照顧７－１０日，就可以賣到16,000 bells。紅色 turnip風險較低，但就要有耐性。

其實呢個 game 仲有好多有趣既地方，需要你去慢慢發掘。雖然一開始玩既時間，因為乜都冇，比較悶。但漸漸玩落去，你就會發現到好多有趣既事情。希望你會鍾意玩呢個 game 啦。

如果有乜野地方唔明，你可以再發問，睇下我可唔可以幫到你丫。