個虹既過濾水器會唔會對水質有問題

１． 「潛水式濾水器」即係一座塔咁座入水中o個ｄ，定係一大舊黑色綿，有氣泡出o個ｄ（又稱水妖）？
但唔緊要，其實養草用o既濾水器，只有兩個：〔１〕唔好加速c02流失（錢o黎架嘛）；〔２〕水流要足夠。c02流失，主要係水有自上而下咁沖，打左氣入水中，令水搞起ｄ泡。因此，出水由上而下沖入水面o既頂濾同掛濾都唔會用，雨淋管亦會置於水平面下。
如果你係用水妖，咁就唔多好。其實水草缸唔需要用氣泵，因為光合作用產生o既氧，都夠魚蝦冇燈時之用，但係出氣就會令co2流失啦。
２．答返你第一個問題，泥／砂底係唔應該影響吸屎o既。因為屎唔係濾水器吸架！
如果做到水流沖起ｄ屎向吸水口飄去，而萬一條／粒屎飄到埋吸水口，濾水器可以吸到佢入去；但大o既魚屎未必可以飄到埋去。如果係冇沙石o係底，ｄ屎耐左會o係缸底散開，成為粉狀，被水沖起就成缸都好似好濁咁。呢個情況濾水器都冇機會吸到入去－－如果你忍得住ｄ屎放到散開為止。所以屎係人手清理o既，換水時用抽水管揚下ｄ水，等屎飄起再吸走；其他就由泥中o既硝化細菌處理啦。
３．會唔會吸走d泥？如果你係用水妖，水要經過水管同綿o既窿，其實冇力吸住ｄ泥。而其他濾水器多數都有個隔架過，亦無須要埋入泥。
咁又返到去第一段濾水器選擇第二因素：水流要足夠。水流唔夠，尤其係草生得密時，就易出藻，對草亦唔好，所以出水位務求做到水流要流到全缸，唔好有死位。但咁都要濾水器馬力夠先得，通常都希望做到每小時濾到全缸五至六次，即缸水有10L，就要個濾水器有每小時50-60L o既流量，仲要係加滿濾材再加埋用耐左有垃圾積聚後！所以買個有10倍流量o既都ｏｋ，寧多莫少，最多出水管向玻璃或加窿減弱水力。而一般養草o既人，都會用濾筒，如果budget 同地方許可，最好用兩個筒，一個壞仲有一個吊命嘛，而且水流可以更均勻。