想問吓幾時驗孕會比較準確

請問你有否去睇過私家婦科?? 如果想生bb, 婦科醫生一定會同你check 好多野, 例如輸卵管有否閉塞, 子宮及子宮頸有否不正常組織, 卵巢是否健康等, 不知你有家計會有否用這些測試呢 ??
先假設你先生的生殖能力沒問題, 如果你沒有以上的問題, 那麼可能會真係遇不到機會如果用自然方法去成孕, 若然你都用過"排卵丸"的方法都不成功, 咁就要用"人工式"方法去幫助成孕了, "人工受孕"你應該知是什麼, 我自己就用了"半人工式"方法, 即所謂"打針"方式把先生的精子打入子宮內,然後就等它們游去卵子, 而之前醫生都幫我打了好幾次排卵針,觀察卵巢的大細直到認為卵子會大約什麼時候排出就把先生的精子打入子宮內, 無咩side effect, 因為我先生的精子數量及mobility 都 below standard, 所以可能咁就無游得咁好, 成年幾都未成功, 結果醫生給予此方法給我去考慮, 一take 過就成功左啦, 整個過程我就花了1萬元以下, 視乎你的身體反應而決定要打幾多次針藥, 希望這資料可以幫到你

其實現在可自己在家中先用驗孕棒驗，只不過是三、四十元而已，而且亦非常準確，本人亦是用此方法，只是經期過了一天就驗到了，連私家醫生亦覺得很出奇，因為bb實在太細了(只有一粒米般大)，是懷孕的很初很初期！

剛懷孕時沒有特別的感覺，因為仍有像經期快到的感覺，如乳房漲痛及下腹漲痛等，很幸運地我差不多兩個月時才有害喜，三個月就再無不適了，而我兩位朋友就情況不同，一位一有孕就即害喜，不停的嘔，足足瘦了十多磅，但過了三個多月後亦好了，而另一位就從沒有過害喜或其他不適的感覺(多好！)。醫生說正常十四至十六週後就會停止害喜的！

我覺得你應該繼續往家計會覆診，因為食藥不是一兩個月就可以成功懷孕的，有時是要較長的時間才能成功(緊張的心情亦會影響到的結果)，請給點耐心！另還有有其他成孕的方法(如試管嬰兒)，可去電家計會查詢試試！

祝早日成功受孕！

祝早日成功受孕！

侬家都可以驗得出，都過咗兩個星期啦！妳可以去藥房，萬寧，屈臣氏買支驗孕棒或去醫務所驗都得，如果真係咁難至有咗，記住要小心．
最初有都未必會覺得有跡象咖，我有咗的時候（有見小小紅同啡啡地）都係等咗兩星期左右就去萬寧買支驗孕棒驗，結果有兩條線出嚟．妳都可一試．祝妳成功．
每個人有咗嘅跡象唔同，未必有嘔嘅現象，我有咗嘅時候一啲嘔都無，只係個肚谷谷地，不過係好好胃口，成日要食嘢，每隔一個鐘頭多要食一次嘢，懷孕過程視乎個人而定，有的在初期嘔到七彩（頭幾個月）．有的完全無反應．所以妳唔好咁緊張，輕鬆啲，休息多啲．
祝身體健康！