曉暉花園一問?

我係地產agent,希望幫到你啦.

曉暉個會所ok啦,基本野都有齊,例如泳池,桑拿,GYM等等都有.

環境,我帶客睇過4,5次,前排向海單位,中層以上即係15樓左右以上已經好靚,好開揚.向東南望鯉魚門海景,向西南就望煙花海景,不過西斜,都幾曬......後排向山,都夠靜,夠舒服,但入屋光線有少少不足,室內會暗少少,仲有景觀比較悶and單調.另外第1及2座,有少部分單位望隔離police宿舍,景觀比較差.空氣真係唔錯,非常清新!

講真,論價錢,普通望山and望樓的單位都算係經濟實惠,二百零萬左右,合乎上車要求,但向海單位叫價and成交價,我個人就覺得貴o左少少,要去到4千幾5千蚊一呎,倒不如買其他市區新樓好過.( 純粹我個人意見 )

不過,選擇曉暉的人,通常都係buy環境.講真交通及購物等等配套設施就麻麻地啦.

希望答到你問題啦,如果仲有問題,可以e-mail俾我再傾:my [email protected]