我隻熊仔鼠養左半年, 突然面腫, 過多日腳都腫埋, 係咪生cancer徵症?

面腫腳腫可能係腫瘤,佢唔食唔多郁其實都好唔舒服,最好盡快帶佢睇醫生,睇下洗唔洗做手術

但都有其他可能,可以參考一下以下我既睇法:

A.腮穿左令內有瘡:
要留意,面腫會唔會係鼠鼠既腮入面收埋左野食呢?有時腮有瘡or腮穿左,都會令野食整唔到出唻,咁就好易好似面腫咁啦
你會見到入面有野食or有粒野,耐左甚至會好臭
最好在瘡爆之前就處理好,唔係既話,爆左就好麻煩,好難好返.
獸醫可能會幫鼠鼠放膿,要唔要放就要睇實際情況先知,由於有細菌感染,應該就會用抗生素治療.如果係用抗生素既話,必須定時服用晒所有抗生素,絕不能中斷.

B.腳係整親
腳腫既會唔會係有野整到佢隻腳?如果係有一間間既地板,轉輪樓梯,就係好危險既,好易會卡住鼠鼠既腳,可以暫用膠file整住先,最好就係買過個籠
腫瘤既話,獸醫應該會照下,再做手術整走佢

C.建議你做以下既事:
1)有第隻鼠就要分籠
2)當然地要拎走個轉,同埋如果地板都係好似轉輪咁一間間通風既話,就要搵 d file整平個地,又快盡快換籠,唔係都有機會卡住.
都要留意個籠有冇其他地方會整到佢.
3)如果佢行唔到,就要用手餵佢食野飲水
4)行路有問題既話,就最好拆左個轉輪等佢抖下
5)最好帶佢睇醫生,睇下有冇事啦,可以參考以下既獸醫資料

大圍珍禽異獸及寵物醫院 DR.TIGER/DR.LAM
Tel: 2687 1030 地址:大圍積信街75號地下
http://www.taiwaiexotic.com/

平d可以睇愛護動物協會,但做手術既話,都可以會叫你睇大圍,因為設備不足.
愛護動物協會診所資料:(需入會) Dr. Corla DeWet
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html

2007-07-13 01:07:44 補充：
另外忘記左講,唔好用水同鼠鼠沖涼,咁好易令鼠鼠病既,雖然唔係100%會有事,但都唔好博吧,鼠鼠係要用沖涼粉去沖涼原居沙漠既倉鼠,根本較難會接觸到好多水,佢地都係用沙自己沖涼既我第一次養鼠時,家人教我用水同鼠鼠沖涼,細個咩都唔識,同隻鼠咁沖,之後隻鼠就死左了同鼠鼠沖涼要留意既事,可以參考一下以下我回答既知識http://hk.knowledge.yahoo.com/question/?qid=7007042800895