給我英文詞語分類(20點!!!!!!)唔該!!!!!!~~~~~~~

老實講，學語言嘅話，死背生字係冇用嫁，背完之後轉過頭就會唔記得，而且會唔識用番出黎，用嗰陣又會係chinglish。

如果你學英文係為左某個行業，我建議你搵本有關嘅書，一路查字典，一路記，好過而家咁漁翁撒網最後得個桔。

如果你仲係讀緊書，又或者係唔駛番工嘅，而又真係完全咩英文底都冇，就去圖書館兒童部，搵D好淺好淺嘅圖畫書黎睇，查唔查字典就隨你。揀書嗰陣最緊要千忻唔好怕啲書淺，如果本書大約有90%嘅字你識，10%唔識，咁就係最易吸收，最能夠學到D生字。寧願密食當三番，好過完全入唔到腦。

圖書館比起買書仲有一個好處，就係書嘅種類多好多。香港嗰啲主要賣中文書嘅書店，佢地嘅兒童英文書除左數量少之外，有好多係本地出版商出，寫到好似教科書咁沉悶嘅，所以去圖書館好好多。

如果你真係好鍾意背生字，台灣教育部出過一個「國民中小學最基本一千字詞」：
http://www.edu.tw/EDU_WEB/EDU_MGT/EJE/EDU5147002/1000.doc

前半部分係按字母次序排列，後半部分係依主題同詞性分類，應該就係你想要嘅野。