我太唔信人~~唔該幫下我

你諗下你男友其實已經為你改變咗好多！
你都知道佢對你好好！
佢出去都會叫埋你去，只不過係你自己唔願意！
既然佢去既地方都可以帶埋你去，
咁你究竟仲想點呢？
其實男人喺工作上面對既壓力比我地大好多，
所以佢出去飲酒都係想放鬆一下！
但佢又要顧及你感受，
你已經讓咗你咁多，佢肯為你咁大改變，
唔通你仲要對佢附加更多壓力嘛？
你咁樣遲早都會迫走一個愛你既人！
我明白從前既經歷令你有好大陰影，
但唔可以因為你既過去，而今日對佢就咁唔公平！
如果你對男人冇晒信心咁你就唔應該再拍拖！
別人係冇必要去承擔你既過去架，你明唔明？
你唔放低過去，又點會有幸福既將來！
而家令到你自己唔快樂之餘佢亦唔快樂！
咁又何苦呢？
你要明白，而家可以揾到一個會為你付出亦咁體諒你既男人已經好難！
你遇上佢係你既褔氣！
呢個世界好公平！
昨日你受咗苦，今日你就會得到幸福！
但你唔去珍惜就與人無尤喇！
幸福就在你身邊，你既幸福根本就係垂手可得！
放低過去啦，呢個世界唔係淨係得傷害你既人
你亦唔會一世只會遇上傷害你既人！
但若你唔接受，幸福只會係你身邊刷過！
我都試過一段令我痛苦得死去活來既感情，
我曾經以為我已經冇辦法再愛上任何人！
但當幸福再降臨既時候，
只要你再次敞開自己個心，
原來幸福就喺自己面前！
醒醒啦，我真係唔想你繼續咁樣落去，
我唔想你失去自己既幸福！
希望你明白，唔好等一切都遲得無得彌補！

你咁樣做真係唔係好岩~你男友己經為左你改左好多~仲少左去"吧"tim~
雖然你同前男友散左而有呢個陰影~但係你要記住:下雨過後天會晴。 事情己經過左去la，唔好把同你前男友做過的野都安係其他人身上。
仲要記住~如果你成日都係因呢樣野而同你現任男友嗌交的話，你將會失去他，係非常痛苦咁失去佢~到時你可能會好自責~
盡快忘記同前男友所做的野~
記住每次鬧你現任男友的前一刻，你同自己講：如果我再係咁樣，我會失去佢的。
記住呀~

唔好成日諗住自己做唔到啦~ 畀 d 信心自己呀~
人人都知戒煙係好難, 好辛苦, 但係佢都為你做, 仲做到添, 佢真係好唔話得架啦~ 咁你都仲覺得佢唔重視你?! 我地e 度咁多個人都唔想鬧你架, 不過你諗下啦~
我覺得你唔信佢係你既潛意識, 因為你好愛佢, 你先會唔信佢, 驚佢離開你, 係咪? 我有冇講錯? 佢咁愛你, 為你做左咁多野, 你仲要驚?唔係嘛?!
就因為你愛佢, 你先要信佢, 你都唔想見到你地兩個嗌交之後你男友既表情架? 係咪?! 你唔會咁忍心要佢成日咁憂鬱嘛?!

大家拍拖最基本起碼要信任先啦，咁都做唔到如散左也吧

我曾經都同你一樣....我拍過兩次拖...第一次只維持了兩星期...但是我很喜歡他....
我喜歡了他大半年...但是當時他已有女朋友..所以當他跟他女友分手時..我才跟他告白...
不過後來他女友想跟他一起..他就選擇放棄我....至此之後...我對男人都沒有信心了...
兩年後才嘗試拍拖..不過好像錯了...因為我們經常吵架...好辛苦........
我覺得你雖然為了你男友著想..希望佢戒煙戒酒...不過我覺得應該留點空間給你的男友..
他為了你去戒煙..(戒煙不是容易的事哦!)...證明佢很著緊你.喜歡你..你大可以放心.....
不過...你要記住"小酒貽情"...專家都有說..飲少少酒對身體健康有幫助..何況佢只是一星期一次...你便當佢去放鬆一下囉....
至於你經常懷疑他會做對你唔住的事..這個問題沒有人可以幫到你.....
要靠你自己...你經常為了這件事而感到不愉快...你有沒有想過你男友都會?
兩個人相處最緊要亙相信任,遷就及坦誠.....
如果連最基本的都做唔到...這一段關係一定不可以維持得長久....
嘗試下放開自己啦...不要給自己太大壓力....
感到低落時...聽一下輕快的歌..看一下搞笑的片.....
最後....老套的都跟你說一句:
珍惜眼前人...不要再失去時才後悔!!

佢識你o個陣時已經有呢兩樣習慣, 你接受得佢, 就要接受佢呢d嗜好,
而且佢都為左你而改變, 又戒煙, 又少左出去飲酒,
佢已經好尊重你同錫你嫁啦,
同埋, 愛情呢家嘢都好睇緣份既, 佢個心向著你時, 旁邊有幾廿個女仔都唔會動心, 如果唔鐘意你, 就算你點樣睇住佢, 佢都有機會作反。
同埋我覺得你而家俾佢太多管束啦, 當一個男人覺得個女朋友煩, 同佢一齊有壓力時, 咪更加令佢想逃避, 咪更加將你個男朋友推落其他"善解人意"既女仔度?
所以, 好似放風箏咁, 有時扯一扯, 令佢覺得你緊張佢, 有時亦會放一放線, 等佢知道佢女朋友尊重佢既私人空間同生活習慣,
有個咁得人鐘意既女朋友, 仲點會變心?

兩個人一齊, 都要講個信字, 好多嘢冇得驚,
老套d講句"係你就係你, 唔係你就點爭都唔係你嫁啦"
一個似"管家婆"既女朋友, 只會令男朋友感到有壓力,
令愛情提早結束。

所以~~~你d朋友的嗜好你都會尊重, 何況係同你咁親密既男朋友,
記住, 愛一個人就是~~~
佢快樂就是你快樂!

講真
我真係覺得你有病
或者真係去睇睇心理醫生會好d
話你有病唔代表你係d咩特別既人
又唔駛話咩會俾人歧視咁
只係香港其實都真係好多人有精神病
某程度上黎講你唔算嚴重
因為你發現到自己既問題
真係嚴重既人係唔會覺得自己有問題既

其實心病還需心藥醫
睇醫生都係幫你搵你既心藥黎醫你
我個人認為你應該好好地咁同你男朋友傾下
抑鬱都係屈得多先屈到病(=.="林海峰講既)
有d咩事唔好放係個心度
同男朋友好好地傾
唔想同佢傾既話你仲有家人仲有朋友
我唔信世界上會冇人聽你訴苦

所以
你只要唔好話控制唔到自己
你要做既
係努力咁去控制自己
有d咩事就拎出黎講
咁就咩問題都冇啦

2007-07-12 17:07:51 補充：
咁我想反問返你你唔信佢d咩???佢出街之前會話你知佢又真係對你好好你真係要學下控制自己囉

2007-07-12 17:08:27 補充：
係今時今日咁多變態愛情小說或者故事既世界同你一樣唔敢信人既人大把啦你唔駛睇到咁嚴重信唔信佢呢d唔可以話你錯晒不過你既疑心又真係幾重叫你同佢傾唔係傾你有冇問題而係傾一個解決既辦法就好似你上黎問人咁用同一個問題問佢大家一齊搵一個可行既辦法既然你都覺得自己成日發脾氣鬧佢咁點解你唔可以選擇唔發脾氣呢???呢d野冇人教到你亦都冇人控制到你一切都係你自己既決定只要你個心諗住"唔可以發脾氣唔可以發脾氣唔可以發脾氣!!!!!!"咁就唔好發脾氣囉

2007-07-12 17:09:13 補充：
我以前脾氣都勁差雖然而家都唔係好不過我起碼唔會係無理取鬧其實唔係要你完全唔好發脾氣個個人都會有脾氣問題只係自己冇道理既時候要識得道歉我平時都好少答人咁多野不過見到你地咁樣真係幾可憐睇得出你男朋友真係對你好好你都應該珍惜下佢"對唔住"呢3個字係適當既時候係要講架

2007-07-12 17:11:23 補充：
你點樣先會信佢每隔一個鐘要佢報到???唔駛咁掛大家一齊諗個佢可以去玩,而你又可以信佢既辦法大概係上面咁既方法兩個人可以相愛係幾咁幸福既事唉......只可以同你講.......珍惜啦........

唔好驚，搵下心理治療師啦…
或者妳可叫妳ｇｅ男朋友約其他人出街ｇｅ時候帶埋妳齊去，叫佢做任何事都預埋妳果份～妳信佢多ｄ，佢顧妳多ｄ…大家得閒傾下計坦白咁樣講出自己ｇｅ心底話～相處耐左就會漸漸同對方建立彼此ｇｅ互信架喇！加油～！