為何渡輪航線有了陸路取代品後, 多會遭到淘汰??

我地可以分開幾方面去探討依個問題
時間方面:
而家香港有唔少高速公路，例如東區走廊開左後，中環-小西灣既航線好快便因為客量不足而取消，因為搭經東廊既車去中環或灣仔都只係20-25分鐘，你搭船起碼都要半個鐘，而家香港人生活節奏愈黎愈快，快1分鐘都好似快1個鐘咁。中環-梅窩線都係一個好例子。

金錢方面:
而家搭地鐵、巴士都有轉乘優惠或其他優惠，反而渡輪就無，而家條條渡輪航線都加價，渡輪o係時間方面已經輸左，價錢方面又再輸一層，而家渡輪航線係平過巴士、地鐵既，就只有由天星小輪營運既航線。

服務態度問題:
依個基本上同依條問題無咩直接關係，不過都講下啦，而家巴士司機，你同佢講唔該，佢都會話唔使客氣，但係渡輪，你點好禮貌對佢地，佢地都唔會對你好有禮貌。

2007-07-13 23:27:16 補充：
其實金錢同時間係可以造成一個惡性循環。例如一條渡輪航線本應做得好好地，但係一條巴士線通車後就搶哂D客，令到渡輪航線客量唔夠，造成虧蝕，於是就要加價，你愈加就愈貴，於是就愈黎愈多人轉搭巴士，最後渡輪公司撐唔住，航線便被迫取消。

因為陸路交通班次會無咁多限制，可因應需要而加減，需然路線可能無咁直接，但係每班車操作成本較低，無需要像渡輪般每班船都要大量乘客支持成本。

Ferry are too slow,so they will be cancel.