✔ 最佳答案
我懷孕初期初期亦是吃了好多熱氣野,那時候對KFC同MCD簡直有點發了狂的感覺。那時孕吐得好辛苦,除了吃呢兩樣食物不會嘔外,食其他野都會嘔,所以我都食得好密下。直至到四個月開始穏定,對佢地冇咁執著,但都會間中食下。熱氣就係幾熱氣架,個時胸部同背部都生滿暗粒仔。同埋塊面都有。後來漸漸食少左,同埋食番D涼野,仲有七個月開始飲白蓮鬚煲雞蛋,現在D荳荳無晒啦。我諗你可以叫你先生對你多加監管同提醒,或者陪你一齊唔好食,咁樣作用會大D。
至於BB到時候會唔會出油脂粒,其實因人而異。我有D朋友食熱氣野同辣野,BB出世都無野,有D就皮膚比較差。有D戒得好清,但BB的皮膚都唔見得好好。
大肚婆最緊要食得開心,同埋適可而止,無謂比太多顧忌自己啦。