有關除去頭皮方法!?

去頭皮有計...
DIY收皮大法 !

又踏入好浪漫12月喇，諗起聖誕都開心！好多人都嚮往過白色聖誕，因為香港睇唔到滿天白雪靚景丫嘛！之不過有時行街撞見核突仔，成個膊頭都舖滿哂白色一粒粒頭皮，如果一下大風，你就可以見到香港十大奇景之一「頭皮紛飛」喇！咪以為有頭皮事少，嚴重話仲有可能細菌病變，攪到禿頭就喊都無謂喇！
乜係頭皮屑
(Dandruff) ?
其實頭皮屑係頭皮表層角質皮膚細胞剝落，形成薄片狀，稱為「頭皮屑」。

點解會有頭皮屑？
頭皮屑同表皮新陳代謝太快有關，主要係頭皮經細胞分裂後老化角質剝落，又或者係頭皮皮脂分解氧化物。而荷爾蒙失調、精神緊張、食太油、太甜、太鹹食物，都會增加頭皮屑。而外在因素，例如化學物質刺激、頭皮污糟，都會增加頭皮屑。

有頭皮點算？
盡量避免用多效合一髮型產品，因為過多化學物質會引起頭皮過敏，選擇性質溫和、較天然清潔用品會比較適合。另外使用蒸氣焗頭，會令到頭皮毛孔擴張，促進汗與皮脂積聚物排出，可以降低皮脂黏度。當然，勤洗頭，保持頭皮同頭髮清潔就係最重要啦！




頭皮個案
姓名：伍恍榮 年齡：自稱17歲
伍恍榮頭髮屬於中性，如果得閒得滯，佢會日日洗頭，不過普遍時間都唔會咁做。一年四季，伍恍榮都有甩頭皮問題，夏天甩些少，佢會用帽同白Tee「自己呃自己」，不過到冬天就... ...非常大鑊！

頭皮失控
冬天一醒覺，伍恍榮就會見到成個枕頭都係頭皮，有時睇到自己都有反胃，不過因為趕住返工，所以冇時間洗多次頭，惟有「硬住頭皮」搭車返工喇！

的士拒載
伍恍榮本來一心諗住截的士，點知一連截好幾架的士都冇一架肯停車，唔通真係俾頭皮攪到神憎鬼厭？唉！連的士佬都藐你，試問又點有可能到女呢？伍恍榮開始心灰意冷！

伍恍榮明查暗訪，終於搵到方法解決甩頭皮問題喇，藥方如下：
阿士匹靈 10粒
橄欖油 半杯

使用中
只要將10粒阿士匹靈磨碎，再倒哂落去半杯橄欖油入面，攪勻之後就可以用按摩頭皮喇！按摩大約2至3分鐘左右之後，再Hold5分鐘，然後用清水洗乾淨，跟住就按照正常程序咁洗頭就得口架喇！點解用阿士匹靈？因為佢可以清除頭皮上乾燥細胞，再加埋有滋潤作用橄欖油，咁頭皮就冇咁容易甩出喇！
我自己細個都試過！因沙田柚煲水，用黎洗頭！一至兩次就好番！
不況試吓！希望幫到你！

1.轉洗頭水
要先知道自已的髮質屬那一種,
才能尋求適合的洗頭水..否則洗幾多次頭都係徒勞無功..
2.其實一日唔可2洗2次頭,咁樣反而對自已個頭唔好咖
3.可向家庭醫生查問