隱形眼鏡~~急~~

唔好用蒸溜水呀~ 除左o岩用既眼藥水/隱形眼鏡藥水外, 真係唔好用其他野沖副con.
眼睛係好重要同脆弱既器官, 唔好咁搏呀~ 就算係眼藥水, 都係人工淚水o個種.

我都試過戴隱形眼鏡唔舒服, 又係時間趕, 好匆忙, 係家中除過一次洗過後就再戴,
然後就出門, 跟住全日都覺得唔舒服.
之後終於除隱形眼鏡時先發現, 原來副con 爛左, 所以先唔舒服.
(副con 係新開, 因為我趕時間同近視太深, 戴之前檢查底面時, 都發現唔到有「裂」痕)

你係咪戴軟性隱形眼鏡, 2 week / 1 day con 呢?
如果係, 當你發現副con 爛時, 你可以連包裝拎返去眼鏡店更換.
聽朋友同眼鏡店講, 依個情況都幾常有.

所以, 如果你真係覺得戴得唔舒服, 其實就要除con 檢查或清洗.
如果你無帶眼藥水, 最好去附近的眼鏡店尋求幫助.

如果隻眼紅晒, 仲要休息一排先好戴, 甚至找醫生睇下係咪發炎先喎.

眼依樣野, 真係要小心d~ 損壞左好難醫架~

我諗唔好喇,嗰d水雖然比水喉水乾淨,但始終唔係專用於眼部....我估細菌唔多唔小就一定有,所以為安全起見,你公司附近有無眼鏡舖呀?一陣食lunch即去買番支眼藥水啦,順便可以問埋舖頭d人,你副con有無反轉左嘛!
重有個方法..但唔知你有無效, 只係我自己試過~ 先除副con, 再打幾個喊路谷d眼水出黎抖一陣再帶番副con, 帶之前唔好將眼水抹乾~ 因為有時隻眼太乾都會好唔舒服! 希望幫到你