如何申請支票薄?

如果本身已經係匯豐客戶, 只要你夠十八歲, 就已經唔需要特別文件去開戶, 基本上只要帶埋身份證, 準備最少兩千蚊就可以開支票戶口。戶口種類大致分兩種:

獨立支票戶口 - 跟你本身儲蓄戶口同其他戶口無關連的支票戶口, ACCOUNT NO. 同帳單都係獨立的, 填份表格再入最少二千蚊就開到, 支票簿要一星期左右先寄比你, 要留意的係最好準備定兩千蚊現金開戶, 唔好諗住由簿仔去過數, 因為對一些登記左"儲蓄易"的簿仔客人黎講, 幫你晌櫃面過兩千蚊去新戶口係要比$20手續費架。戶口入面的兩千蚊你可以晌收到支票簿後自己轉番出黎用, 無話一定要保持兩千蚊晌戶口入面, 總之唔好結餘$0同埋每幾個月至少發票一次黎Keep住戶口有出入。

綜合支票戶口 - 綜合月結單戶口提供一套包括儲蓄, 支票, 定期, 股票, 外幣功能的朋務, 簡單D講係一個ACCOUNT入面有齊晒上述功能, 支票簿亦已經包括在內。如果你本身晌匯豐總資產值已經有一萬蚊以上的話就已經可以免費開到呢類戶口, 總資產值係計晒你晌匯豐的數, 好似簿仔入面同強積金都得, 當然戶口號碼同你本身的簿仔都唔會相連, 即係新開多個綜合戶口。如果你符合一萬蚊以上的要求, 就可以免費開一隻叫"明智理財"的綜合戶口, 當然仲有更高級的可以揀, 但如果只係你要支票黎一般咁用, 開"明智理財"就夠。不過記住, 日後若果你戶口每日平均總資產值唔夠一萬蚊的話, 就會收$60一個月架, 所以你睇番自己有無可以Keep到呢個數先開呢隻綜合戶口。仲有一樣要留意, 雖然話係一個綜合戶口, 但唔好諗住佢地會自動幫你晌儲蓄戶口過數去發支票, 你係要自己先轉錢去個支票戶口度先好發支票, 如果唔係一樣當你透支, 有機會彈票同計利息。支票簿都係大約一星期就寄比你。

至於手續方面, 你預番十至十五分鐘時間啦, 視乎多唔多人排隊羅, 不過你睇完上面知道自己想開邊隻的話就唔使職員介紹, 填份表入一入數都好快姐。

去銀行申請個支票户口，要有錢！！

開設支票户口... 去counter 填form , 有d要保証人(係匯豐客戶), or開運籌理財, 有支票户口一同申請, 簡單d, 重要是記緊自己填form 的簽署, 如出票簽得唔似填form 的簽署,就會退票要罰錢... $140..., 好lo...