用eipo白表抽中0個d股票,點樣賣返出去?

你係透過中銀申請IPO, 咁即係你係中銀戶口已經有埋個股票戶口比你, 你可以利用個戶口作買賣囉!! 但細則你要check返銀行, 如果真係無, 你未揾間股票行開個戶口, 跟住未可以做買賣, 但你記住你收到張股票先好落order放, 因為你要攞返張股票去股票行, 如果你係沽出之後一日都無股票交出, 可以當你沽空, 會好痳煩!!

但凡有股票係手，都一定要去銀行 or 證券行開一個投資戶口買賣股票。

基本上而家任何銀行或證券行開戶都係唔駛錢，所以你要睇的可能係間銀行 or 證券行信唔信得過，還有手續費。

其實買賣股票都有好多費用，不過都係好少錢，講緊都係幾蚊到幾十蚊，並且係每間一定要收 + 政府收，所以你主要睇都係手續費。

通常手續費最便宜可以唔駛錢，最貴都不會超過一百元 (以小交易來計算，大額通常以金額按比例收)，唔駛手續費的原因有新客戶的優惠，記得要留意優惠期的長短。普遍來講，手續費是要收，是平貴問題。

另，你都可以留意下開戶有咩其他優惠，有些會送禮品或積分的。:)

當你開立戶口之後，你就可以拎你張股票存入你的戶口，好似存支票一樣。買賣股票通常分有人手和網上操作 (人手的手續費比較貴)，人手買賣的話，就係打電話叫那間銀行 or 證券行的經紀佬係某個價位放。至於網上買賣的話，仲簡單，你可以 set 你要賣出的價，當股票到你指定的價位便能放 (申請後會俾你網上 login + password)。當然要留意，兩者都唔一定賣得到出去，原因係冇人接你的貨。之所以點解股災有人有股票，但放都放唔到，係因為冇人咁買貨，冇人接，所以賣唔出，其實股票是一種轉換的交易。

最後，如果你打算長揸唔放的話，戶口可以先開，但就唔駛咁快將股票存入戶口，因為每間銀行和證券行都會收存倉費，每年兩次。即係話，只要你的戶口內有股票，就每隻股票收你存倉的費用，約一百至二百元不等。