✔ 最佳答案
根據我o的朋友響香港開過匯豐英國戶口o既經驗, 如果你持有香港匯豐任何戶口, 都唔使俾手續費, 冇戶口o既都應該唔使俾 (因為我冇聽過有人話要俾手續費). 你要記得只有匯豐中環總行6樓國際銀行部先至有得開. 我諗你都係想開學生戶口o架啦, 所以你去開戶口o既時候記得要帶學校取錄信, 香港地址證明 (我假設你響英國冇permanent地址) 同埋匯豐銀行紅簿仔 (如果你係匯豐客戶會易o的開), 仲有記得叫佢開一set戶口, 包括flexible saver (儲蓄戶口, 有利息), bank account (提款卡同cheque) 和credit card, 千祈唔好俾o的staff昆你要bank account plus (要每月收手續費)! 大約兩個星期後, 英國o個邊就會寄晒o的cheque簿, 入數紙等等俾你, 仲有一封信話俾你聽成功開到戶口, 咁就搞掂.
雖然響英國o個邊開戶口可能會有o的優惠俾番你 (響香港開係冇o既), 但係英國人做o野出名慢, 如果過去先開, 好多時成個月都未開到o個戶口, 到時你就要日日帶晒o的錢出街, 好麻煩, 又提心吊膽. 最多你去到o個邊先將o個地址改番做英國地址啦!