我應否放棄他嗎?

嗯...你好！我都有少少分享...因為我同我之前的男朋友就是像你這樣！
其實我也覺得自己太多男性朋友(普通朋友)，但沒有辦法，可能異性緣不錯，可能你也是！但我那男朋友則不喜歡，多次用分手來想我改。當然我不想分手...但無奈我已經習慣了和一些異性朋友談天和玩耍，我們則時常因為這些而吵架。弄到大家都很不開心...
久而久之，我開始覺得他這樣不尊重我，不體諒我，還開始有壓力，我身邊的朋友(不論同性或異性)也愈來愈少了。我知道自己喜歡他，而他也很愛錫我，但...我最後都放棄了，主動提出和他分手了...

分手當然不開心，還有些不習慣，畢竟我和他已經拍拖一年有多了，但我知道不分手，我便會失去自己了...

這只是我個人經歷，放心！我現在有一個好愛護和愛錫我的人了，我們還訂左酒席，9月中結婚！

可能你現在失去他，將來會有更好的！要對自己有信心！

我有個朋友同佢老公八年！
佢老公都係好似你男朋友嗰種人！
只希望個女仔既世界只得佢！
我朋友成日都好痛苦，好想去街又怕佢唔鍾意！
堅持要去，大家又會嗌交！
咩自由都冇晒！
其實呢D係愛情咩！
我朋友一D都唔快樂！
不過已經結咗婚，好難再去選擇！
而你呢？
為咗愛情而冇咗自由？你願意嘛？
如果佢愛你你又愛佢，
你不如同佢坦白講清楚！\
如果佢真係冇辦法接受到，
咁我勸你都係唔好再同返佢一齊喇！

其實你有異性朋友系正常，佢都有啦，其實愛一個人唔系占有，而系關心，體諒，你可以同你bf講道理，如果唔得，就分手啦！！！！！！11

或許你跟他根本就是兩個世界的人吧．
你應該放棄．
正如你所說讓自己好過些．

是不是每一次分手也是因為你有異性朋友?
如果是，你就要想想要朋友抑或要男友。
如果不是，你就要想想除了異性朋友這一方面，
大家的生活是否有很多不能協調的地方?
不能協調的地方可否再有一個共識?
愛和相處是兩回事
如果可以愛，而且可以相處那就最好。
不過只有愛，但不能相處。
那就只如祝福對方，可以找到一個更加適合的人吧。

我本身也是佔有慾強的人,情況如你BF一樣,希望GF只對自己好,唔會同其他男性,甚至女性來往,永遠痴住自己, 係幾自私同尊制. 但相對地哩類人愛你既就會付出晒, 佢要求你做既佢自己都會做. 我當日就係唔會望女仔, 或比機會自己識到女仔, 可以話係痴心, 但其實都幾痴線.
理性D睇, 同哩類人一齊有好有唔好.
好處---->佢專一,從一而終唔會背住真正中意既人攪攪震.比到安全感.
唔好處---->脾氣怪,尊制, 比唔到空間自由對方.

後來先知自己問題, 現在唔會, 更比大家更多時間空間, 反而是現在GF痴我多D. 不過過去已經令不少女仔嚇怕, 也白白浪費了很多段好恩緣.
你可以老實同佢講你要求, 但要知道一個人要改自己性格係要時間同人生閱歷, 一時三刻絕對改不了. 除非你肯比三兩年時間佢, 如果你覺得性格同佢唔夾,或你始終接受唔到佢以上既缺點, 就無謂拖拉了. 找一個比到自己想要既,一齊開心舒服既人更好.

如果佢同第二個女仔一齊,就話係朋友,但佢地成日見,你會點?

佢對自己無信心,對你都無信心,你要比信心佢,你用行動或有力的說話證明自己清白,等佢安心.

你都有你既朋友,佢有佢既朋友,你亦都要證明比佢睇你係同異性朋友係無野,你約異性朋友出來叫埋佢一齊出最好,如果係無野就吾怕一齊出,佢咪信你.

多數另一半約異性,如果肯定另一半,就會一齊出去.但無乜必要次次都出.

你同第二個男友一齊都會係咁,佢地係客醋,個個都會係咁,因為愛你,所以你要令到佢信你.諗辨法要佢信你.不是一句真係同佢地無野就得,因人既心好易變.

你異性朋友的尺度係邊先
你覺得普通,你男友未必覺得
而且你是否太多異性朋友
分手ge理由是否只是異性朋友或仲有其他
如果只是朋友問題,你應該同佢傾吓
因為呢個世界唔係男就是女,
男女都可以係朋友, 如果佢覺得你太熱情, 你收歛吓
男人個個佔有力都好強, 如果佢沒有這念頭
你就應該離開佢
如果佢給你壓力太大, 你同佢傾吓

我明你講乜~
有時真係會有D透唔到氣~
佢係理智既人會好D囉~
如果唔係~我會覺得好驚~

既然你都話你都仲中意佢，咁你咪為佢犧牲一下囉，少d同你嘅異性朋友一齊啦。
其實係咪你同你d異性朋友一齊嘅時候玩得太過火呢?所以佢先唔中意呀?如果係，咁你就應該改下啦，試下係佢嘅角度去唸下囉，如果調轉佢同d異性朋友太close，你又會點呢?
佢咁都係因為佢緊張你啫，試下注意下囉，如果佢仲係咁、變得好專制就即係佢嘅問題啦，到時先再分手囉。