✔ 最佳答案
地板谷起有冇同業主反映過?應該係佢跟進至啱!
狗尿濕過,木板應該會起白色一撻咁,冇就你好彩。
你話d地板好舊,咁谷起左就應該唔關冷縮熱脹,地板收縮兩三年乜都定哂。可能潮左,或者地下喉滲水,有冇發黑?冇就恭喜你,唔係就頭痕!
你係大塊定細塊既柚木地板?細塊既話最快最直接方法:谷左即係鬆左喇,小心d起左谷個兩塊出黎,唔好整爆,跟住用菜刀係是但一邊稍稍削減d,總之兩塊砌得返平擺得返落去,最緊要睇手,唔好整親!整親千祈唔好賴我教!跟住求其搽返d白膠槳落個窿再放返兩塊木片落去,乾透攪掂。大塊就麻煩d,因為較難起出黎,索性用木刨刨平重好。
唔係唔可以再打臘,係唔可以磨過再打水晶臘,你唔介意一樣可以去超級市場買d木地板臘水自己打,咁當然冇水晶臘咁耐用。
做既時候,先搵清水拖乾淨地下,乾左就落臘水,唔使太多,薄薄均勻就可以,乾透再打,起碼打兩次,三層更好,已經好靚。