點樣用手打(唔用機)cream會快啲，慳力啲?

有咩辦法，可以又快，又慳力，打好啲cream呢?
以我既經驗認為，要手打500ml既cream其實都有d辛苦架﹗你可以試吓呢幾種方法，會快d架﹗
1. 用一條濕毛巾舖在枱上，個兜放在上面。個兜最好係不銹鋼個種。
2. 一隻手揸住個拂蛋器，一隻手揸住個兜，將個兜傾斜少少，個拂蛋器源住個兜邊打，一來咁樣會令你拂打個範圍大d，二來個兜邊會幫你"舍"咁d力。
3. 要好快速咁上下上下咁打，中途可以換吓手。千祈唔好攤太耐先再打，因為d忌廉好快又會溶番。
4. 其實500ml份量唔少，係可以用電動打蛋器用中速打，如果怕太辛苦，你可分兩次（每次250ml）打，當然打好後都要放番入雪櫃先啦﹗
5. 忌廉要保持在夠凍的狀態打發，d忌廉本身要夠凍，夏天可閞冷氣打或墊冰塊在容器底部打。
同埋我想更正樓上位人兄所講既野︰
1. 在容器底部墊冰塊的目的，是為了使忌廉保持低溫狀態以幫助打發，尤其在炎熱的夏季，再者攪打時會因摩擦產生熱能，所以必須利用冰塊來降溫，以免忌廉因熱融化而造成無法打發的狀況產生，冬季時則可省略。
2. 忌廉絕對可以用機打，只要控制得好唔打過頭就ok，尢其係份量多既時候最好用機打。
3. 打忌廉唔同打蛋白，打忌廉個兜唔需要話"吾可以有油同水等等既野系裏面"，係打蛋白先需要係咁。我平時懶既時候，都係打完d芝士，根住直接打忌廉，d忌廉都一樣打得起，冇問題噃﹗

《點樣打忌廉》

建議若份量少可用手+拂蛋器打，避免打過頭d忌廉就唔要得。多的話可用電動的打蛋器打。打1-2分鐘就ok，可中間停下看看進度再決定是否需要continue。
1. 用電動打蛋機以中速拂打忌廉。
2. 在起初階段，拂打淡忌廉會產生很多泡沫。
3. 約1分鐘後，泡沫會減少，而忌廉會逐漸變軟。此時，請將打蛋機的速度調慢，不然很容易將忌廉打至老化 。
4. 在忌廉拂打至6成企身時，會看見忌廉呈現幼紋, 關機並將忌廉拉起會看到有少許黏著攪拌棒並會趺回忌廉漿。
5. 在忌廉拂打至7成企身時，會見忌廉稍稍發大並呈現軟綿綿狀態, 關機並將忌廉拉起會看到有些軟綿綿的忌廉黏著攪拌棒並有一條幼尾, 卻不會趺回忌廉漿。
6. 在忌廉拂打至8成企身時，會見忌廉呈現明顯紋路，關機並將忌廉拉起會看到忌廉黏著攪拌棒呈尖端狀（沒有幼尾），亦不會趺回忌廉漿。

圖片參考：http://www.ytower.com.tw/prj/prj_06_26/images/basicbake-3_r3_c9.jpg

cream本身要夠凍, 坐冰水打，應該會好d