有關穿耳的問題

1.其實去邊到穿耳都冇問題，最重要係事前ge清潔工作認真D，睇住個穿耳ge小姐有冇將你ge耳珠同枝準備穿ge耳環針消毒好，咁樣已經做倒一半工夫。

2.穿完耳後不一定會發炎，但輕微發炎就一定有。小心D唔好成日濕水，每日要佢比你ge
火酒清潔吓，唔好心急換耳環，一定要四星期後先試換新嘢。

3.本人建議你穿幼針就冇咁痛，而且將來ge耳孔會比粗針靚。

4.本人試過二次穿耳，都係幼針正D，感覺冇打針咁痛，因為時間快，但一會兒耳仔會有D麻痛，小許紅，come on，要靚嘛，小小代價一定要比ge啦，係唔係啊！

希望可以幫到你啦！~^o^~

如果你唔介意價錢貴少少,你可以去Isabella 度穿耳,你買對耳環就可以免費穿啦!!
http://www.isabella-asia.com/index2.htm
會貴過你去普通舖穿,不過好衛生,每次都會戴手套和消毒過~係佢個度穿耳仲可以參加佢地個檢查計畫~(大約100元多少少)會送支120ml的護理液比你(用來滴耳洞)!可以定期返去幫你check個耳洞有沒問題,如果隻耳發炎,果度既Sales會幫你睇同處理,比d消炎藥膏你留去查!檢查完仲寫低埋每次傷口既進度,到底好定唔好!總之就放心好多啦!!!我依家已經穿左耳半年啦!!!

穿完耳唔一定會發炎ga~睇你處理得好唔好!!你穿耳頭個個星期唔好游泳,唔好去髮廊洗頭...同埋穿衣服ga時候小心d~睡覺要小心不要壓到隻耳!!!如果唔係好容易發炎!!!我自己就試過發炎~隻耳紅左~流過濃,...個Sales比左d消炎藥膏我擦...之後就冇事!!

穿個時唔會太痛~!!!我好怕痛都可以接受!!冇事ga!~打針痛好多!

去一d金鋪都會有得穿耳。
另外都會有一d專門穿孔的鋪頭。

我記得我剛剛穿完果陣係一邊發炎另一邊無事，我一穿完果排，日日都會早晚用消毒藥水洗洗個耳孔，我記得我隻耳會發炎係因為我成日唔留意之下成日用才摸耳仔，搞到細菌感染。

絕對比打針小兒科，只係好似大頭針吉一下咁上下架咋。
我個人好怕痛，我都無事，唔洗驚喇~~

有d賣精品同時有賣耳環既地方都會可能有得穿耳.
不過要睇下係咪美國出既安全密封耳環.佢仲要響開左之後要用藥水消毒.
如果唔係有可能會有較大既反應.d炎可能好耐都唔消.仲會紅腫.流膿同發燒.
通常穿完耳後一定會發炎.不過唔會發好耐.可能要2個星期啦.
你響釘完之後戈幾日會係最痛.沖涼同著3戈時都要小心d個傷口.
除返個耳環要搵返戈d人同鉗同你除.如果唔係會好痛同難除d既.