在澳門去珠海點去架再由珠海去番深圳又點去呢

澳門去珠海有三個途徑：
１．最多人行嘅係澳門去拱北：就係正如樓上嗰位講嘅，去到關閘，行過關（分別過澳門關同拱北關），就係珠海拱北；
２．澳門去橫琴：響澳門，去到路氹填海區，過澳門關，坐車過蓮花大橋，再過橫琴關，就係珠海橫琴；
３．澳門去灣仔：響澳門，去到內港碼頭，過澳門關，坐舢舨過去灣仔，再過灣仔關，就係珠海灣仔．

不過，如果要去深圳，就係去拱北方便D（因為灣仔同橫琴去深圳都比較遠）．

珠海去深圳，如果坐的士，好彩嘅坐到深圳的士，大約三百蚊度（要講價計，可以試下去拱北關口嘅廣場尾撞下，有時會有D深圳的士響度兜客），如果坐珠海的士，起碼都會收你四百幾蚊啦．

不過，響拱北坐大巴去深圳都幾舒服（係冷氣豪華車咁囉）幾方便（橫琴同灣仔就冇大巴啦），車費大約八十蚊．如果坐大巴，可以響拱北關口地下商場負二層坐，嗰度有兩間公司，岐關就響過完關，一出門口樓梯直落兩層，中旅就要先落一層，向前行，再落一層（車站響商場嘅置地新天地，即係岐關對面，但係響負二層係過唔到馬路嘅）．另外仲有信禾，總站響關口出門口右前方，拱運就係響關口出門口正前方．

樓上嗰位講嘅市區，就係香洲，香洲車站係有大巴去深圳，不過D大巴就差少少．

由拱北去到深圳，睇你去邊啦，如果只係去到二線，車程大約只係兩粒鐘，如果要去到羅湖，咁就要三個幾鐘啦．

在澳門搭巴士或者的士去關閘落車,進入海關過境,出去就是珠海的拱北區!
在拱北口岸附近有長途巴士總站往其他城市,可以去售票處看看路線及價錢!
另一外地長途車站在市中心,可以搭的士去再轉往深圳巴士!
由珠海去深圳都幾遠,車程3小時以上,好少人搭的士,多數都搭有冷氣空調有廁所,塺椅可躺臥的長途巴士嘅!