點去旺角中心??

(1)搭火車旺角站落，係新世紀果個閘口出(面對巴士總站果個出口)。之後一直行(面包店隔離)有度玻璃門，入左去有條電梯落去，落去之後，有2條分叉路，行右面果條(唔好行有電梯落果條，跟住d人行)。次後一直行會見到分叉路，轉左面果條路(果條係橋，你會見到橋口有好多人擺d廣告牌係度派傳單)。轉左左入去果條橋後，沿橋一直行到最尾，會見到左面有條路，前面又有條路，唔洗驚轉左行落去，會見到有地鐵站入口(唔好行入地鐵站)，之後係地鐵站右面行出去，落左3級樓梯後，見到「工業貿易署門口」就左轉，見到前面有大家樂有條馬路，過左馬路(果條馬路叫快富街)行前少少就係旺角中心門口。

(2)搭72X，係旺角地鐵站果個站落(你座上層會見到火車橋，巴士過左火車橋後果個站就即刻落)，一落車行前去見到班馬線，過馬路，過左馬路你見到有間影碟鋪，再過隔離果條馬路，就去到新之城門口，過左新之城果條馬路之後，轉右直行過左7仔就係旺角中心。

回程既話，搭火車係旺角中心出黎轉左，照番第一個方法過大家樂果條馬路，上橋沿橋直去火車站。搭72X既話，出旺角中心之後，轉左上去火車站果條橋，上左橋果條電梯後行去左面，有條電梯落去，照搭落去，之後右轉，右轉之後過左一條小馬路後72X站就係前面(個站係茶餐廳門口，不過成日排長龍好多人搭)

有咩唔明可以send我email問我([email protected])，到時再詳細教你。
希望上面d資料幫到你，我都成日去旺角中心。^^

搭巴士咪得lo~~
72x

Bus - 72X
(大埔中心 >> 旺角街市, 落車行幾步就到)

http://www.kmb.hk/chinese.php?page=search&prog=route_stops.php&route_no=72X&bound=1&select_from=08B&select_to=01F&scenario=1&stop_from=&stop_to=

Mini-bus:

總站位置
大埔 大埔太和路（翠怡花園）
旺角 西洋菜街（旺角道路口前）

參考途經路線（因應交通環境而更改）
大埔開 大埔太和路，南運路，寶湖道，東昌街，廣褔道，大埔公路（元洲仔段，大埔滘段，中文大學，馬料水段），吐露港公路，獅子山隧道公路，獅子山隧道，太子道西　

班次 10分鐘

收費 $10
每日17:30 - 0500（翌日）　旺角　－＞大埔　$11.

查詢電話 6442 9366


KCR - 旺角站落車(新世紀廣場出口), 再經天橋就可以去到

MTR - 旺角站D出口

希望幫到你啦~~

搭東鐵係旺角站落



係C出口落

- 巴士總站
新世紀廣場、巴士總站、旺角道行人天橋、洗衣街、旺角道、弼街
行人天橋通往旺角地鐵站、始創中心、"旺角中心"、女人街、西洋菜南街、通菜街、花園街、彌敦道

搭72x係最方便，o係旺角地鐵站果個站落車對面就是 (車費 $8.40)

http://www.kmb.hk/chinese.php?page=search&prog=route_stops.php&route_no=72X&bound=1&select_from=&select_to=

搭火車o係旺角站落，要行10-15分鐘先到

坐KCR 係旺角落 再行係新世紀出面條天橋