佢當我係朋友咩?

唔知點解我有個朋友成日都覺得自己好叻，覺得自己無論講咩都好o岩，咩都好掂咁，但係其實根本唔係，讀書時已經唔係叻，但係就講到自己出黎之後好醒同埋咩都掂，最搞笑係，佢個人衰左都仲要搵藉口出黎話自己係o岩。對朋友都係..永遠認為約朋友出黎，如果個朋友唔得閒話出唔到，佢就猛鬧人，唔明白人地係真係工作既關係所以出唔到黎。就係咁，佢就成日都覺得自己為朋友付出左好多，覺得係朋友對佢衰。佢為人好霸道，唔知係咪佢男朋友就慣左佢，佢永遠對住朋友時就要人地就哂佢，由其對住我，就得佢一次、兩次佢就次次都係咁，約人出黎一定係佢定日子，人地唔得閒佢就發脾氣，佢唔得閒就好有道理咁話佢約左人，仲要惡過你，識左哩個人十幾年，我冇辦法再忍受到佢既脾氣。

其實試過同佢講佢既脾氣好難頂，亦都有因為咁我同埋幾個fd有幾個月都廢事聽佢電話，諗住佢會反省，點知佢最尾都要話返我地，話我地成日記住佢唔好既野，唔諗下佢既優點！媽呀，哩個究竟係咩人？哩o的究竟係咩朋友?今次卒之頂唔順，同佢嘈起上黎，仲
好唔開心，唔明佢點解唔體諒人因為工作所以遲到！