考八級 aural 真的好驚

您可以試試以下呢本書:
Book Title: Aural Time- G.8.
Author: David Turnbull
Publisher: Bosworth
ｏ係一般大琴行會搵到。

Grade 8 Aural Test 佔總考試分數o既18分, 主要有四部份:
Part A Sing or Play from Memory, Cadencees and Chords
1) 考官會o係鋼琴度彈4-8小節o既音樂(通常唔會2-part melody 咁筍), 你要聽最底o個條旋律, 彈兩次, 然後你要唱番出黎
2) 聽咩cadence (終止式): 考官會彈條音樂o既選段多兩次, 然後你就要答佢咩cadence囉
3) 聽咩chord progression: 考官會彈條某幾個chord兩次, 然後你就要答佢咩chord progression
Part B Sight Singing
1) 有一段4-8小節o既音樂, 多數係2-part melody, 考官會彈高音o個條, 你要唱低音o個條, 你o地會一齊進行, 你拉violin 唔使講應該揀唱teble clef, 不過你依然係要唱低音部份
Part C Modulations
1) 考官會彈一段音樂畀你, 聽下佢點轉調
Part D Discussing Musical Features
1) 考官彈一段16-32小節o係音樂畀你, 得一次機會咋! 彈完你就要用你畢生所學黎形容音樂o既terms 講下首歌有咩特色, 例如: Rhyhm, Melody, Tonality......

心得:
1) 個人覺得 Part A 最難, 因為本身自己聽低音弱d (女學生通痛, 十個有九個係咁), 聽cadence都唔叫難, 最煩最難就係聽chord progression, 因為唔只聽咩chord, 仲要聽咩擺位, 例如 Ib, IIc, etc.。我考o個陣個考官要我連續認4個chords, 真係唔好話唔驚。
2) 如果你平日有唱開choir, 而有唱中間或低音聲部o既話, Part A 同 B都唔係問題, 呢兩part 通常都係女高音死哂, 所以如果係真係女高音, 請你務必儘快學下點聽點唱。
3) Modulation 對彈琴o既學生黎講比較容易, 因為聽慣自己彈chord, 睇慣聽慣d chord 點擺位。由於你係拉violin, , 呢part 一定要下下苦功, 鬼叫呢件係單旋律樂器。
4) 我覺得最易係呢part, 因為可以畀你怒吹!!! 你起碼都要吹番分半鐘先會高分。呢part o既內容同反應要做得好好, 人o地彈完你就要立即答。可能佢彈完你個腦係空o既, 唔緊要, 你可以由首歌o既tempo、meter、character 開始講, 因為你聽完首歌覺得佢快唔快係第一感覺, 你問街邊個係阿嬸都會答到你。至於其他較有深度o既形容, 就要靠你聽多d, 讀多d喇! 我通常教人一口氣吹水吹分幾鐘之後就以"咩period 同咩composer"作結, 讓考官覺得你好熟、好有準備同埋好有條理(就算吹錯都唔緊要, 最緊要get 到咩style同唔好錯period)。平日預備最好練到自己求其都講到每個period 五個composer o既名。

其實aural test 冇話邊part 一定值幾多分, 多數都係靠first 同 last impression, 所以part A 要練得好d, part D 要準備得好d, part D 如果你答完考官都仲要問你野, 即係你答得唔夠或者唔清楚, 咁你答完佢條問題就要再答多d其他細節野喇。仲有, 考官彈完你就好快d答, 唔好再o係度慢慢諗。

我記得我自己考o個陣Part D 聽完考官彈仲即時彈番一段回敬佢, 順便介紹下有咩特色。part C 我唔單只答佢咩modulation, 仲答埋佢呢首歌from 咩key 去咩key, 再答埋邊個composer o既邊首歌with opus no., 結果個考官好likey。(當然係唔一定要咁做, 但你做到就梗係會加印象分。)

最後, 我祝你好運, 因為aural test唔係對每個人都咁easy, 但有一樣野係一定可以做o既就係練習:正所謂Practice makes perfect, 如果你g.5剛剛合格, 平日冇咩聽開music, 咁就請你過多一兩個月, 甚至依家好開始練喇。

學aural 價錢其實有平有貴, 如果你肯勤力又想高分o既話, 我勸你搵個好d 既老師同你練, 因為以我o既經驗, 一個好勁o既老師三幾堂就教好你, 總好過你o係度練成年都唔知自己做乜野。教我o個位老師好好, 教o個我幾堂就ok, 但佢收得真係好貴(約600-700/hr), 不過你想要平d都仲可以畀到d意見你。

仲想知d咩資料就補充啦, 希望我o既回答幫到您。

(全部係我自己打, 唔好照抄, 唔該)

2007-07-13 00:56:23 補充：
您可以咁做, 但要視乎您仲有幾多時間。我幫人練o既時候, 會將6-8級一齊交替用, 一來為o左容易掌握, 從而打好基礎, 二來為o左令學生o係起步岩多d, 令佢多d自信。信心對聽唱黎講好重要, 因為你自己唔信自己對耳仔, 就算聽到都會答唔岩。我自己有齊grade 1-8 o既 aural 書, 至於練哂6-8有冇大幫助, 咁真係要睇人喇, 不過我勸您o係狂操之餘, 聽多幾隻classical cd 又或者聽 rthk radio 4 仲好。Anyway, 介唔介意話我知你幾多歲, 大人學, 青少年學同小朋友學會用好唔同方法o架喎。

吓，你問你miss嘛，應該會教ga，不過其實oral唔合格都冇所謂
我oral唔合格都有merit，所以唔駛擔心

你去問教琴嘅老師拿D卷做。