中年狗仔仲做唔做絕育手術好呢？

其實6 歲的狗仔好young
去愛護動物協會$500

因為狗狗已經開始步入老年期，宜家至同佢做手術可能害處比好處更多，一黎手術既風險大，麻醉藥對狗仔的損害亦大，而且手術後傷口會痊癒得比較慢，如果你只養佢一隻狗其實可以唔同佢做手術都得。
最近朋友有隻十幾歲既狗狗死左，都係因為太大年紀至做絕育手術至搞成咁，因為佢住公屋，為左令狗狗可以堂堂正正咁住係度所以就依照手續幫狗狗做手術，佢係攞去徐X雄果度做架，點知手術後冇幾耐狗狗唔肯食野，於是佢帶狗狗去睇過第二個醫生，個醫生話絕育手術做得唔好引致發炎，留醫左幾日最後隻狗都係救唔番。所以如果要幫狗仔做絕育手術就要細細個幫佢做，千其唔好等到佢年紀大左先至去做。

其實, 絕育手術越早做越好, 老咗會少啲病痛, 亦唔會有生殖器官的疾病. 但你隻狗狗年紀唔細, 而家做手術, 除咗要驗血, check啲器官功能是否正常外, 仲要面對麻醉後醒唔返的風險.

如果係我, 會選擇幫佢做手術, 雖然有風險, 但總好過佢老咗之後多病痛吖.

提提你, 如果你決定做手術, 最好順便幫佢洗埋棚牙. 以我估計, 你朋友連絕育手術都冇幫佢做, 應該亦冇幫佢刷牙或定期洗牙的習慣, 唔做以上兩樣嘢, 隻狗狗可能唔夠十歲就甩晒啲牙啦, 到時佢就好慘架啦.

我介紹一間平0既寵物診所俾你吖, 叫 香港非牟利獸醫診所(即玉女敏出錢開嗰間), 顧名思義, 只會收番成本價. 我上個月帶我隻狗狗去驗身, 價錢大約係市面的6-7成, 醫生同護士都好nice架, 你可以先打電話去問吓價錢, 電話係 : 2393 2395, 地址係 : 太子基隆街24號地下, 要預約架.

做絕育手術好