每隻倉鼠係唔係唔喜歡飲水啦??

2007-07-10 10:57 pm

✔ 最佳答案

A.倉鼠原居沙漠,所以飲水會比較少
在沙漠中唔係時時有水飲,所以鼠鼠為怕水份流失,所以佢地既尿係比較濃

只要水樽出水冇問題,而佢唔係完全唔飲,咁就唔洗太擔心了
其實而家天氣咁熱,最好就日日換水啦,而水最好係煮左既水,放涼左,加滿晒成1個水樽,一來冇咁易漏水,二來可能肯定佢有冇飲到

B.如果鼠鼠係完全唔飲水既,就要留意以下幾點:

1)檢查水樽出水有冇問題
如有問題就要買過個新既

2)鼠鼠有冇唔食野or好累咁呢?
仔細檢查鼠鼠身體及排泄物有冇異常,睇下鼠鼠會唔會有唔舒服所以唔飲水

3)鼠鼠有冇受驚呢?
睇下鼠鼠近來會唔會受驚,例如會唔會係新買返唻?會唔會外來人or物令佢驚?
鼠鼠受驚都會唔飲唔食,所以要避免令鼠鼠受驚既情況,特別係新買返唻既鼠,頭2日最好唔好打擾佢,如果買得耐左都係好驚人既話,最好都俾佢靜下先,再慢慢同佢熟

同鼠鼠熟可以試下以下方法:
a)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
b)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
c)再熟d再試下俾野佢食既摸下佢頭or身
d)佢都唔抗拒之後,可將食物放在手心,等佢行上唻食,慢慢佢會習慣左你既手
e)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱.

4)同一籠又會唔會有鼠鼠一齊住?
鼠鼠係獨居動物,所以如果有第隻鼠一齊住既話,都會令鼠鼠感到緊張同驚,最好就將佢地分籠

5)鼠鼠會唔會脫水or中暑呢?
脫水及中暑特徵:
1)行得好慢
2)行路趺下趺下
3)身體發抖
4)甚至摸佢都冇反應
處理方法:
中暑既話就要將鼠鼠拎去涼d既地方,但唔好搵風直吹佢,真係嚴重地唔醒既話,可以俾dd涼既水俾佢,之後盡快睇醫生

6)會唔會只係日頭唔見佢飲呢?
鼠鼠係日頭活動夜晚活動,所以日頭訓既多,飲食玩都係集中在夜晚,所以有時會見唔到鼠鼠飲水,將水樽裝滿水,留意一下鼠鼠係咪真係成日都唔飲啦

2007-07-10 17:19:17 補充：
最好唔好亂俾其他汁俾鼠鼠飲,飲完之後真係唔會飲水而且就算天然蘋果汁,果糖都唔少,所以唔好俾鼠鼠飲呢

參考: 十多年養鼠經驗

👍 0 👎 0