汽車油量一問....

好視乎你用乜野車種喎兄弟. 哪! 依家當你一直都係用緊同一部車. 咁食左油既原因多數係 = 1. 軑氣唔夠. 要定期打氣 ka. 頂盡兩個月打一次. 平時都要多留意呀. 尤其係如果係元朗區裡面, 有時可以會行 D 爛地 ka 嘛. 2. 最近換左粗 D 既軑? 因越咬地, 越食油 ka. 但安全性又相對提高左 ka 喎. 有辣有唔辣啦. 3. 突然需要成日載重野. 4. 好耐冇換"計"油, 風隔油隔. 都會影響車頭機件運行的.
以上係一般食左油既原因. 當然嚴重既, 可能係油喉裂左之類喇. 咁就要搵車房 check 清楚 ka la.

多左人坐你車, 一定會食油左, 因為起動時要用多d 扭力去推動架車。

另一個好大o既可能性就係天氣熱, 開多左冷氣, 冷氣泵由引擎帶動, 所以開左冷氣架車冇咁好力, 自然俾多左油, d油用得快d。

仲有記得定期保養, 換下偈油風格火咀, 打番足呔氣, 咁就慳番d油。油價高企, 慳d好~

元朗去尖咀大約三十公里, 一般用兩公至三公升油喇。不過油標係唔線性, 即係一時跌快d, 一時冇咁快, 你講o既一格油好難話係幾多公升.....