自動波油門的控制....

1：正常路面駕駛，你的想法係正確。(落斜除外)
落斜想收速， 正確係先用腳掣減速至合適速度，
之後把自動波棍拉落去D3、D2或D1。視乎路面斜度同交通情况决定。
原因：如果長時間使用腳掣，迫力皮會有可能出現過熱情况而失效，引致交通意外。
而落斜時用D3、D2或D1，係使用引擎的拖引力(engine brake)來控制重車速，減低
使用腳掣的時間，從而提高駕駛安全。

2.：(A)平路同上斜係一樣。要睇當時路面和交速情况。需要加速，你只需要收哂油之後，
立刻一 腳大油。引擎轉數會立刻提升，如果機件正常，
自動波箱會立刻調節合適波段。只要你鬆小小油，又或者到達該波段的上限速度，
波箱就會自動提升一至兩個波俾你。
(B)引擎轉數高，用油自然會比較多
如果上斜要自已手動轉D3、D2或D1，咁你個波箱一定有問題。


3：HOLD係代表保持在現有波段。例如：現時波箱行3波，你按左HOLD之後，
波箱只會 繼續行3波，唔會上4波，又唔會落1或2波。直至取消HOLD為止。

4.開始減速，再照第1段答案去做。
5.第一條答左。
6.高速公路落斜，就要更加提早收速，等尾隨駕駛可以多些時間，作出減速反應。
提高駕駛安全，減小意外發生。

其實自動波設計，只係為駕駛者提供更舒適的駕駛環境，減小駕駛者需要轉波的辛勞。
每每感覺架車唔夠力，就用手動轉波，咁或者買部棍波車吧！！！