我隻倉鼠琴日生左7隻bb...help!

我隻倉鼠琴日生左7隻bb,邊個有愛心的人要呀?
→其實寵物店係會收倉鼠BB o架!
　不過要等佢斷o左奶
　而且d bb要細細隻就好賣俾寵物店o架喇~~
　倉鼠大約兩星期就斷奶可以食乾糧o架喇
　所以約3個星期左右喇
　就好賣俾寵物店喇
　如果唔係太大隻人o地唔收~~
　如果你送去SCPA都得o既~~
　但個人覺得寵物店方便d

應該要點照顧佢地?
→剛出生的倉鼠是紅色的，沒有毛，眼睛也沒睜開，而且幾乎沒有聲音只會輕輕的蠕動。大家千萬不要碰觸小倉鼠，因為當母倉鼠嗅到人的氣味時，會令母倉鼠感到壓力，可能會吃掉自己的孩子。因此，要讓房間的照明調暗一些，讓牠鎮定，只要更換飼料含水就行了。BB出世後幾天盡量不要換木糠，即使佢地開左眼換木糠時，也不要碰到BB。由於鼠媽媽需要哺乳，因此可以多餵一些營養成分較高的食物。小倉鼠會長大得很快，約第三天後便會長出汗毛，約五天就有倉鼠的模樣了，約第十天小倉鼠就可以自己吃飼料了。約第二個禮拜左右，就能睜開眼睛，約一個月就會成為成熟的倉鼠，到處活蹦亂跳了。


隻baba係咪要分開?
→係要分開o架

聽人講 , 要分開........驚會咬死佢地.......不過媽媽唔會

我諗你應該等鼠bb戒奶之後先好搵人收養,因為鼠bb未必隻隻都可以養得大的
戒奶後(18-21日),冇人要既話可以俾鼠店,好多都會收的,愛護動物協會地方有限,留返俾較大既鼠,冇人理之下去會較好,鼠bb仲有鼠店要嗎

鼠鼠生完bb之後,應該唔好打擾佢地,唔係既話鼠媽媽好易會食左隻鼠既
其實隻鼠生完你都照顧唔到咁多,點解仲要去繁殖鼠鼠呢?生完bb既鼠,身體都會差好多,又易有子宮腫瘤等問題

鼠鼠生左bb之後要留意以下幾點:
1)將鼠爸分開
2)唔好接近個籠,唔好掂鼠媽媽同bb,盡量等到鼠bb戒奶後先洗籠(大約18-21日戒奶)
3)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既
4)放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事.
5)唔可以將鼠bb同媽媽分開,唔係bb就冇野食,生存唔到.我細個既時候,有人教我用手餵bb飲奶,但咁係唔可行既.
6)另外,如果用既籠係通風,bb可能會趺出唻,可以用d膠file整開包住個籠,但記得要整多d小孔,唔係就冇空氣

食唔理鼠bb or 鼠bb被食有幾個原因:
1)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb
2)鼠媽媽覺得bb養唔大-鼠bb身體弱 or 自己冇足夠既奶分俾佢地
3)鼠媽媽覺得bb有第d動物氣味
4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張
5)鼠bb死左
6)鼠爸爸對bb根本冇咩感情,所以如果生之前冇將鼠爸分開籠,爸爸就有機會會食bb,而鼠媽媽感到威脅,都會唔理鼠bb

另外,繁殖鼠鼠真係有好多問題,希望你可以考慮一下唔好繁殖佢地,同埋可以一籠一鼠,原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨…所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

係要分開架！
如果唔係呢…個媽媽or爸爸就會食左D BB架啦！
而且你唔可以碰到D BB，
因當媽媽嗅到人味，就會驚傷害到BB
就會食左BB架啦！
我有過經驗，果次生左8隻，3隻被食左…
但BB要飲奶喎？點好呢？
要等媽媽食得好飽，佢唔飽就會當BB做食物架啦！
等佢好飽時先放BB入去，如果佢種食
就要立即分開佢地！(不可用手)

唔好用手touch 佢地, if 佢地(7隻bb)懂得管理自己.you can touch them.如果你touch 佢地,倉鼠mum will eat all the 倉鼠!
要分開!
如果唔分開佢地會繼續生

要分開呀!!!!!!我幫你問吓有冇人要啦!