BBA出路

當然成績愈好就愈安全. 至於收咩成績, 間間大學, 甚至每個科目都未必一樣.
環球商業一般都收得最高. AL一般最少要兩科A, 其他科B-C. UE要有C以上, 面試有好既表現先有大既機會入.
如果你想入中大及科大商學院課程, 就要會考考得好, 因為兩間大學所佔既會考比例係好重. 科大40%(會考中英數及高考UE double count), 中大50%, 所以入得去多數會考廿幾分既學生. 除非你會考高到28-30分, 無A既話會好難入.
其他大學方面, 而加兩科C亦唔算穩陣. 我之前一科AL同一科AS C, 2005年報jupas, 城大同嶺大都唔收. PolyU少至10點幾分, 多至接近14分(高考). CityU上年好多科BBA收1B1C. 其他大學建議你上jupas網睇成績.
出路方面, 多數主要從商. 讀會計就主要去Big4或其他會計師樓做. 讀財務/金融會選擇去ibank(但入到真係唔多, 就算三大都唔多), 加入Big4或者做其他商業工作. 其他既可以上大學網頁睇.
收入方面, 唔好以為讀完BBA包保一定高人工, 搵唔搵到高人工靠你自己, 大學只係輔助角色. 有人去ibank做, 一個月搵四萬, 但係去big4就月薪一萬幾. 無論你做i-bank或Big4, 你要預左永無止境的壓力和超長工時. 有人讀完BBA只係搵到五六千元人工 (唔係講笑, 係真).