大國崛起：足球篇

葡萄牙：1966年世界盃季軍
西班牙：1950年世界盃殿軍
荷蘭：1974年世界盃亞軍
英國：英格蘭代表隊於1966年奪得世界盃冠軍
法國：1998年世界盃冠軍
德國：西德於1954、1974及1990年奪得世界盃冠軍
日本：世界盃最好成績只是闖入十六強，完全不算是足球強國
蘇聯：1966年世界盃殿軍
美國：1930年世界盃四強，但近代最佳都只是打入八強，另外於FIFA舊有的計分方法中，美國的世界排名曾於2006年四月升至令人爭議的第四名
其實我覺得我哋應該先撇開日本同美國唔講，因為連烏克蘭同塞內加爾都入過八強，唔通佢哋都係崛起嘅大國？
其餘嗰七個國家，大致上全部都係歐洲國家，大家嘅距離亦都好近，葡萄牙同西班牙喺伊比利亞半島上面，所以佢哋嘅風格都有啲似，而且兩個國家成日都當對方係假想敵，想所有嘢都超越對方，所以足球水平自然會好。
歐洲足球係由英國帶起嘅，而英國當時同西班牙、法國、荷蘭同德國都有歷史嘅積怨，所以另外嗰幾個國家見到英國有種新興運動，自然想以呢個途徑報復，而且幾個國家相距唔遠，交流會好頻密，水平自然會提升得快啲。當英國見到嗰時，又會諗辦法令自己更加進步，所以呢幾個國家都有一定嘅足球水平。
德國就係唔妥法國同英國嘅，而且日耳曼民族係一個好好勝嘅民族，人哋做到，佢就會逼自己都做到，而且做得更加好，所以德國可以攞到三屆世界盃冠軍，或多或少都係靠民族精神。
蘇聯就係喺第一次世界大戰之後先立國嘅，當時共產主義制度仍然係好新嘅嘢(因為之前無國家行過)，所以蘇聯要「埋堆」，而埋堆最好就係靠運動，而且蘇聯地大物博，要搵一班高手出嚟完全唔係難事(我唔係串祖國，雖然祖國啲足球真係好差)，另外蘇聯係斯拉夫民族，呢個民族都同德國有過牙齒印，而且同樣都好好勝同埋堅忍，所以佢哋會不停鞭策自己，進步當然會快。
至於日本同美國都係到呢十幾年先認真發展足球運動，所以未有咁快睇到進步。不過我哋可以由棒球場睇到。日本呢幾年有越嚟越多球員進軍MLB(美國職棒大聯盟)，可見日本人只要玩認真，無嘢會難倒佢哋。
美國就走另一條路，就係廣納賢才，美國隊所有膚色嘅球員都有，有拉丁美洲裔，有非洲裔、有歐洲裔，只要你踢得好，咩都可以俾你，所以美國近年已經開始有啲進步，起碼早幾日先喺U-20世界盃打低足球王國巴西。
一句講晒，其實崛起嘅大國嘅足球水平點解會好，係因為佢哋有心去做好佢，因為運動都係一種宣示國力嘅方法，所以佢哋好用心想做好佢，用晒最好嘅科技同資源去幫助運動員。
其實我哋祖國應該都可以，第一我哋有人，十三億人都搵唔到幾十個高手，我唔信；第二我哋有科技，如果可以用喺運動員身上絕對會幫助到佢哋提升成績；第三我哋中國人要面，所以更加會俾心機去做，好似毛主席話齋：「要超英趕美」。

葡萄牙：世界盃1966年 季軍、歐洲國家杯2004年 亞軍

西班牙：世界盃1950年 殿軍、歐洲國家盃1964年 冠軍

荷蘭： 世界盃1974年 亞軍、1978年 亞軍、歐洲國家盃1988年 冠軍

英國：世界盃 1966年冠軍、歐洲國家盃1968年季軍

德國：世界盃1990年 冠軍、1974年 冠軍、1954年 冠軍、歐洲國家杯1972年 冠軍、1980年 冠軍、1996年 冠軍

日本：世界盃2002年 第二圈、亞洲盃1992年 冠軍 、2000年 冠軍、2004年 冠軍 、東亞足球錦標賽2003年 亞軍 、2005年 亞軍

蘇聯：世界盃1966年 殿軍 、 歐洲杯1960年 - 冠軍

美國：世界盃1930年 四強、美洲金盃1991年 冠軍、2002年 冠軍 、2005年 冠軍 、2007年 冠軍

法國：世界盃1998年 冠軍 、歐洲國家盃1984年 冠軍 、2000年 冠軍

點解大國都會是足球強國？

但中國都是大國，點解中國不會是足球強國，

所以不是大國都可以做強隊，例如：意大利、巴西、阿根廷。