養龜既問題! 急!!! (((((15分))))))

1. 呢點同樓上段估沒痛苦的仁兄一樣：通菜街。
2. 你先講你養乜龜先可以俾到建議你。
3. 一般外國的專用龜糧營養成份好足，間唔中餵下魚、蝦等生口亦唔錯，但紅蟲就建議餵冰鮮的，新鮮的反而多菌及有蟲卵，搏唔過。除左食得好之外，另一樣好重要的就係足夠的日照，曬太陽時記得有遮陰位。
4. TRATA、JBL、NATURALFIN的龜糧都係有口碑的，幾蚊一包所謂的＂日本龜糧＂同D散裝的都係垃圾，想龜龜變孱仔強就買啦...
5. 一日餵一餐，每餐的份量就係等於龜龜的頭部體積咁上下。
6. 因為個缸係透明的，而龜係對透明物質沒有認識，所以會以為前面仲有空間去路而不段前爬。可以在缸四周的底部處，圍起一有顏色，高度約三倍於龜龜甲高的邊條。
7. 龜除左休息同食之外都沒乜野好做，唔怕悶的，反而有需要買多隻既係飼主自己JE...咁體積當然係相近最好，性別不同亦都好重要。打唔打架就要睇係乜龜種，同埋飼養的空間有幾大啦。
8. 幼體比較難分，用體色分幼體性別更加同段估沒分別，反而拿起兩隻龜反轉，睇下尾部排泄口同腹甲的距離作比較會易好多、亦準確好多，一般距離遠的係公，反之係乸。
9. 交配生育都要等佢地到性成熟階段先得，都係果句：你養乜龜先？