✔ 最佳答案
2006年:
1 塞爾維亞和黑山:外圍賽咁多場只係失一球,去到世界盃俾阿根廷炒六蛋。
2 厄瓜多爾:小組賽爆冷技術性擊敗擁有半個主場之利嘅波蘭,殺入十六強之後只係俾碧咸一個罰球射死。
3 千里達:第一次出戰世界盃,雖然包尾出局,但表現遠超預期,尤其第一場死守迫和北歐勁旅瑞典最為精彩。
4 澳洲:將克羅地亞踢出局,去到十六強對住意大利補時先輸波,雖敗猶榮。
其實加納我一早睇好佢可以出線十六強,因為捷克雖然高手雲集,但始終年紀唔細,相反加納有踢過祖雲達斯嘅隊長艾比亞同一班年輕小將,所以我從來都無擔心過。至於烏克蘭我只可以話佢哋好彩,法國小組賽失準,俾瑞士攞到首名,令烏克蘭易打好多,不過都係要靠互射十二碼先過到關。意大利呢,1982年世界盃之前都係有假波案,最後都係攞冠軍,廿四年後做多次唔出奇。
2002年:
1 土耳其:兩度面對巴西都表現得極之出色,更奪得季軍。
2 塞內加爾:於揭幕戰擊敗衛冕冠軍法國,之後逼和丹麥,淘汰瑞典,一直殺入八強才被土耳其以黃金入球淘汰。
3 南韓:姑勿論球證有無偏幫,南韓殺入四強已經刷新亞洲隊伍嘅最好成績。
4 葡萄牙:以為抽到好籤,點知小組賽就出局。
2007-07-10 15:17:20 補充:
下面:巴西輸一比零咋!唔係二比零呀!