蘿箕灣之問題(20分)

你睇漁護署的指定露營地點，都有介紹蘿箕灣的：http://www.afcd.gov.hk/tc_chi/country/cou_vis/cou_vis_cam/cou_vis_cam_cam/cou_vis_cam_cam_32.html詳情不抄啦！懶嘛！
不過蘿箕灣本人多年前去過露營，交通都算方便，以前由梅窩搭去大澳的巴士，約大半小時車程，到水口村落車，行大約半小時路就到，沿途有指示牌，入大路再轉入小路，入小路就落石級山路，其實好容易搵路，唔駛用地圖：http://www.afcd.gov.hk/tc_chi/country/cou_vis/cou_vis_cam/cou_vis_cam_cam/files/m32.pdf
不過沿途無補給，所以入去前要買齊東西，水口村還可以買汽水罐頭等，但選擇唔多。
而入到營地，營地並不大，主要是含沙量高的草地，紮營就不需用沙釘，其實都穩固，不過用蒙古營好點，因為晚間風很大，A字營會搖下搖。不過地面不是全沙地，都幾舒服。而營位在石壆提供，可當椅坐及煮食，就幾方便。
而沙灘就幾好，水清沙幼，游水及水上活動就一流，不過無政府救生員，游水就小心點。而沖身就靠沙灘旁的一條淡水河，水質不見乾淨，不過這是唯一的河流了。將就下都要。而飲用水就用另有一條喉引山溪落一個小池中，比較乾淨，不過只得一個位，如果人多取水就要等啦。而廁所就......寧願去樹林解決好過！
基本上蘿箕灣風景不錯，而且少人去，亦少人識去，所以避靜及想睇風景就幾好。不過最不好是水源有限，我去過兩次，一冬一夏，夏天就夠水用，冬天就要慳點，而且要預無水沖涼，因為冬天河水多乾了，做住咸魚先啦！不過我都係覺得冬天去好，因為風景靚點，最靚睇景地點是落營地的斜坡山路山，沿途望到遠方大海洋，真是心曠神怡，所以去營地就唔好趕喉趕命落營地，係就你會錯過了蘿箕灣最值得去睇的美景呀！