10分入黎..頂唔順我呀哥....

睇來，你的家庭糾紛，係要開個家庭會議啦，例如：你屋企人，老斗、老媽子一齊講，係大家平心靜氣既時候講，同時，成家人好莊嚴開會講，會有種重性既感覺，特別仲要由屋企人出聲幫口添！
你始終係個女仔，男女之間，要求上，係有好大分別，而你應該仲讀緊書啦，係咪？工作圈子，校園圈子都唔同，大家都有唔同既壓力，而你地之不和，係因為，一個家，一個結果，就係自己既理想空間，估計係因為你地屋企唔係好大，呢個可能係其中之一個原因，不過，你呀哥推你落地，又真係粗暴左的既，你好需要屋企人幫手，如果唔係，當你發現，如果你呀哥可能因工作，而產生燥狂症的話，咁就煩啦！仲有就係，你地大家都死忍，亦唔覺解決到，不如大大方方攤出來講，好過收收埋埋！（記住同屋企人一齊講）
其次，想知你背景，你父毋係咪重男輕女既思想？另外，我認為，你可以直頭唔理佢，唔同佢講野，咁唔係話真係唔理佢，而係要避免大家再發生磨擦，佢去東，你去西，先將大家心情冷靜下。如果，再生生暴力行為，就要搵社工架啦！【我之所以咁講，係因為怕你大佬可能有病】
小事既，大家係一家人，就可以試下用的唔駛咁直既說話，只需要係說話既技巧上，改一改，例如：【大佬，你都出面好辛苦架啦，不過我都想你好，成頭家，呢度用少的，果度用少的，你就會無咁辛苦嘛，所以，如果你多的記得關燈掣，又可以比少的電費，又可以環保，你話係咪？】咁樣講，咪會好的哩？
如果可以既，大家多的傾下計，我估你地，一定好少計傾架啦，有時，可以借的義，問佢電腦既野，唔好以為，咁叫認輸，咁只係叫聰明，識轉膊，識世態變通，第時出來做野，對你都有好處！
另外，你唔好怪我太直接，你寫既野，其實已經表露左，你有針對地找你呀哥出錯既理由，但係係你心裹面，係咪真係咁先（真心問自己）？諗到底，你覺得，會有用咩？所以，與其無得變，不如你自己都試改變一下，環境，係會不斷咁改既，社會上有好多種人，出到去做野，幾無良既人都有，對住你鬧既，雖然唔好，但你都叫知道，不過，有種人，對住你笑，背住你插你，呢種先衰更多呀！
你地一家人呢既，點都唔會有隔夜愁，除非佢有病架嘖，求其你好我好咪算囉，亦唔好太執住，傻妹，一家人，鬧起交上來，梗係咁架啦，唔通仲好客氣咩！
試下啦！你有屋企人，點都好過無屋企人，想鬧都無機會！
相信自己既能力吧！
圖片參考：http://hk.yimg.com/i/icon/16/25.gif

對！講得有道理。