邊個泳灘星期日比較少人架?

馬灣(東灣)泳灘少啲人
圖片參考：http://hk.yimg.com/i/icon/16/3.gif


2007-07-08 18:35:11 補充：
我喺"7月1日回歸日公眾假期"去都係好少人

2007-07-10 10:51:43 補充：
馬灣(東灣)泳灘唔只少啲人,而且景色優美怡人可以望見青馬大橋嘅宏偉壯觀更鄰近柏麗灣廣場(有間7.11)買嘢飲好方便!!!

我就話係位於西貢的橋咀島，政府管理的泳灘啦！
睇地圖，細圈圈著的那個：

圖片參考：http://hk.geocities.com/kingyiulo/saikung001.jpg

橋咀島為政府管理的泳灘，有防鯊網、浮台、廁所、沖身設施及救生員當值：

圖片參考：http://hk.geocities.com/kingyiulo/saikung011.JPG

設備完善，不過無人游水喎，你睇：

圖片參考：http://hk.geocities.com/kingyiulo/saikung010.JPG

原因是這是一個石灘，石多而且附有蠔及大量海膽，刺腳又界腳，去游水就要用潛水鞋，唔係就要做印度高僧啦！
圖片參考：http://hk.yimg.com/i/icon/16/59.gif

所以去的人多數是燒烤為主，那處有11個燒烤爐，不過都唔多見人用：

圖片參考：http://hk.geocities.com/kingyiulo/saikung009.JPG

所以這個灘設立就好反映政府的官僚作風，因為政府泳灘旁有個小沙灘，就水清沙幼，一樣游到水，不過就沒有將之劃為泳灘，反而唔識合做泳灘的就將之劃為泳灘，結果就成為泳灘無人游，而游水的地方就無安全設施，夠騎呢爆笑啦！
前往方式，由旺角乘地鐵到彩虹站下車，轉乘往西貢的1號小巴，到西貢巴士站下車後行到最多人的海邊乘街渡前往，好簡單！在彩虹搵小巴站問人牛池灣村口那處，或是去西貢小巴在那，好多人都知。
在海邊找這些街渡的招牌：

圖片參考：http://hk.geocities.com/kingyiulo/saikung002.JPG

找船家就會安排你上船。不過要揣楚，西貢出海之街渡一直都是三國鼎立的，即分成三個集團營運，三個集團以旗幟顏色分別，分為藍色、紅色及黃色三色，所以上船就要認清楚坐的是那個顏色的船。旗在船頭，此為藍色旗的船：

圖片參考：http://hk.geocities.com/kingyiulo/saikung003.JPG

我多數搭藍色旗的船，因為船較多。船程好短，十多分鐘就到，回程坐返同樣色旗的船，所以要保留船票，回程時會收番：

圖片參考：http://hk.geocities.com/kingyiulo/saikung008.JPG

街渡一般做到晚上七時，要再夜點就要和船家傾睇對方肯唔肯做啦！
順帶一提，去橋咀島政府泳灘游水一定要帶潛水鞋或白布鞋，拖鞋都唔得。那些海膽刺好厲害，7月2日我去游過，潛水鞋都刺穿，現時腳指公仍在痛中！所以如果怕痛，就最好到旁邊的沙灘游，不過就要自備救生員啦！哈！

港島有個"龜背灣"，重有燒烤爐可以燒雞翼。

度度都多人架wor...