✔ 最佳答案
其實半場3ON3 係無正式國際球例架,依家用緊o既,多數係由賽會參考全場國際球例寫o既~可以話個個比賽都有唔同~~
"可唔可以講打半場(例如敵方射波失敗..自己人拎左要傳比3分線以外既人)"
敵方射波失敗,己方拎到波時,要將個波傳出或帶出三分線外,但持球球員必須雙腳踏出三分線外地區(三分區界線亦算三分區內),先算出左圈.
"如果打全場果時....見到人拍波衝緊過尼...可以做d咩野?搶佢個波得唔得?擋住得唔得?"
可以攔截.防守持球球員唔需要顧及空間,可以貼身防守.
佢衝緊過黎時,你可以突然企定係佢面前,持球球員必須避開防守者,否則可以判持球球員"持球撞人",但接觸時,防守者必須雙腳接觸地面,雙手係合法防守範圍入面.如果接觸時,防守者任何一隻腳離開地面,即移動中,即防守犯規(阻撓).
"仲有最後一樣:見到敵方既人拎緊個波企係到..可唔可以格硬搶"
可以.只要唔發生任何暴力或犯規動作.
''安全''係咩既犯規同埋點會有?
即係球未出圈就射波~~
''阻人前進''咩既犯規同埋點會有
除上述所講外,防守無球的進攻球員時,要留最少一步空間,同埋防守方唔可以阻止進攻方無球球員去場上任何一個未俾佔領o既地方.
進攻方亦唔可以阻止防守方球員去任何一個未俾佔領o既地方.
單擋時,進攻方與防守方發生身體接觸時,進攻方的單擋球員必須雙腳接觸地面,並且要等防守球員離開該區域,先可以作其他動作.
安全同阻人前進係咩既犯規同埋點會有?
"安全"唔計犯規,係違例.
"阻人前進"係個人犯規
