我真係好無助，想問大家幾個問題：
1我而家咁既情況應該向咩部門求助？
2BB不嬲我湊開，就算離婚我都唔願放棄BB，如果打官司，我勝訴既機會有幾大？（我一直係全職媽咪，無工作，但係大陸有樓經濟唔錯，無任何不良是好，佢既煙又酒又賭，收入唔高7000倒，同佢媽，佢一個嫁唔出既家姐，一個離左婚帶住個女既家姐同住，仲爭緊萬幾蚊卡數，同埋爭佢D親戚二萬幾）
3我地結婚兩年但我無申請單程證（因結婚時佢D家人話我咁後生二十歲就嫁比佢，會唔會只為張身份證）咁如果BB比左我，以後BB去港讀書我可唔可以留係香港照顧佢？
4佢扣住左我既證件及BB有及BB證件，我係咪可以揾埋警方上去取回？警方會唔會幫我爭返個仔？因為打算帶回BB返大陸由我媽照顧，我就返工。離婚或打官司就遲D先算。
更新1:
最賤既係佢同D朋友講，話我一次又一次出走唔理阿B（其實次次都係佢趕我走），傷透佢心，佢唔會再幫我申請來港（連見都唔比我見阿B），我真係有種比人利用既FEEL！20歲嫁比佢，21歲生BB，22歲就已經係湊仔婆，而家個仔生左出黎，最難湊既時間過左，佢就想一腳踢開我！最過份係連見都唔肯比我見！無貪過佢任何野，但連我懷胎十月痛得死去活來先生出黎既仔都想搶走，但我卻無能為力！我無可能放棄個仔！佢之前打我好，趕我走好，次次都唔比證件我，唔比錢，甚至連條鎖匙都唔比我，但次次都係我自已返去，因為我唔捨得阿B，最怕阿B耐左無見我唔記得我！ 我係香港無親無故，真係好希望得到大家既幫助，比D有用資料我！