問鼠鼠鼠鼠鼠鼠鼠

✔ 最佳答案

A.小灰霸同銀狐 size都差唔多,冇話邊隻易肥d,如果兩隻一齊住,出現一大一細既情況,其實已經意味住有肥既蝦隻細既危機

倉鼠本來就係獨居動物,細隻既時候可以冇咩事,但慢慢大個就好易會打交,特別係唔同品種,仲要一大一細,真係分分鐘一打就死.鼠鼠半夜活動既多,佢地打交未必咁易發覺,到佢地大個,忽然打得犀利先處理就太遲了

B.就算鼠鼠咬磨牙石,好多都會鍾意咬籠,咬籠係因為鼠鼠既牙係不斷生長,所以要成日咬野,唔係既話牙齒過長就會插穿鼠鼠,你可以試下以下既方法睇下會唔會好d:
1)買一d磨牙石俾鼠鼠,都可以試下鹽磚,注意唔好買d有色既,冇益又可能會甩色.不過唔係隻隻鼠都會用.
2)買d木制既玩具,除左可以玩之外,仲可以用唻咬,我既鼠鼠多數都係鍾意咬玩具多d.
3)試下教佢,我習慣見到鼠鼠咬籠既時候就會叫佢,用d好似鬧佢既語氣叫佢,多數佢會停一停,之後又咬過,咁就再鬧,佢一唔咬既時候,我就俾野佢食,慢慢佢會明白,唔咬就有野食.我試過好多次都會學得識,當然可能係要試好多好多次.

C.一開籠就係咁走好正常,慢慢同鼠鼠熟左就冇咁易走左去,一定要小心唔好俾佢有機會真係走甩左,唔係要搵返就好麻煩了

都有可能係佢因同第隻鼠住埋一齊而特別地想走,試想下,有敵對既人同你被困一室,心情可想而知

D.鼠多數既聲音都係人聽唔到(因為音頻唔同),叫到人都聽到既時候,多數都係打交/唔舒服/驚既,留意係咩原因,再加以改善
1)留意鼠鼠身體同排泄物有冇異常
2)如有第隻鼠一齊住就分籠
3)佢驚既就唔好打擾佢住,過2,3日先掂佢吧,再試下同鼠鼠打好關係

同鼠鼠熟既方法:
1)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
2)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
3)再熟d再試下俾野佢食既摸下佢頭or身
4)佢都唔抗拒之後,可將食物放在手心,等佢行上唻食,慢慢佢會習慣左你既手
5)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱.

E.另外,我本身好反對人養倉鼠唻繁殖,因為真係有好多問題,你兩隻唔同品種咁生BB就更危險,咁係有機會生出畸胎,如果你想倉鼠繁殖既話,希望你可以考慮一下以下幾點:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨…所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

2007-07-08 17:44:56 補充：
好多鼠都會咬籠,係好似冇咩問題咁,但長期咬籠會令鼠鼠鼻同口下面甩毛,甚至損左,而且半夜不斷咬都會好嘈,為鼠為人著想,試下去教鼠鼠唔好咬會較好以我既經驗,鼠鼠走佬大多數要自己去d角落搵返佢出唻,用食物引佢成功機會較細,因為走左出去既鼠情緒較緊張,呢埋驚既多,除非真係餓佢好多日,唔係真係未必走出唻另,我好少用msn同人傾計,多數開唻研究答msn相關關問題及同女友用,加上msn及email都不便當眾公開,抱歉歡迎隨時補充,如冇意外,我每天都會睇已回答既問題

回答 (2)