✔ 最佳答案
首先你要明白加拿大嘅教育制度, 响加拿大每一個省嘅學校; 不論私立定公立都受到教育局監管, 所有教師都係大學畢業再加教師訓練(兩年)先可以攞教師執照, 嚴格嚟講加拿大係冇所謂野雞學校, 所以公立或私立學校基本上所教嘅大綱都一樣, 兩種學校畢業嘅學生都係由教育局所發嘅畢業証書, 而証書冇講你係邊間學校畢業, 只係話你根據教育局要求而畢到業.
但每間學校除跟隨教育局指引教學之外, 每間學校都有自由選擇佢地嘅專長而令學校做得更好, 例如有啲學校專長音樂(可能佢地搵到好多高資歷嘅音樂教師), 有啲學校專長運動, 專長美術...之類來吸引對呢方面有興趣嘅學生.
而私立學校因為收取非常高嘅學費, 所以佢地嘅學生/教師嘅比例可以做得比公立學校低, 而有好多家長認為學生人數少對學生學習方面比較好, 當然有其它因素令家長樂意比較高嘅學費, 例如有啲家長喜歡學生著校服, 教師比較嚴之類.
至於公立定私立邊間好就冇人可以講, 視乎你自己覺得邊樣好, 公立同私立都可以出好同壞嘅學生, 但普遍嚟講, 加拿大多數都入公立學校, 而私立學校睇起上嚟好似高級啲, 因為唔係個個人都願意無端端比多一次錢入私立, 因為所有公立學校都係免費嘅