全自動DC如何控制景深?

雖然是全自動，但其實都有方法可以幫你控制景深。分4種情況
1. 有場景拍攝模式:
不同的模式有不同的光圈設定,如人像,運動,近攝, 一般都會用大光圈,因為要把背景朦朧化(人像和近攝),或需要用高速快門.(運動).但這些模式一般亦有不同的焦距設定,而焦距同樣會影響景深,焦距短(近攝)會增加景深,焦距長(人像,運動)則相反。如果你想造出最淺的景深可選擇用人像或運動模式。

2. 沒有場景模式:
嘗試校低感光度(iso)來放大光圈,以減低景深。但要注意不能校得太低,以免快門太慢造成手震。另外,如果校了最低的感光度,仍不能放大光圈,即表示現場太光,試改變拍攝地點或加濾光鏡。也可以試用閃光燈,造成前景清晰,背景因曝光不足而不清楚。

3. 既沒有場景模式亦不能改變感光度:
也可以用以上閃燈的方法。如不能控制閃燈,唯有改變拍攝環境,例如選擇一個較淨色和簡單的背景,或增加前景與背景的距離,以減低景深。

4.後期處理
以上通通不能做到的話,就要用執相軟件了,如photoshop.先把主角用lasso select,再inverse select個背景(或直接lasso個背景),用gaussian blur把背景朦朧化,可改變blur的radius來造出不同的景深效果。留意,lasso後,要將feathering set到大於0,否則邊位會唔似。

以上1-3都是根據一般相機的設定,而每部相機造出來的效果都不同,自己試試看!

講到景深, 到左世界末日都係三樣野:

光圈
焦距
DC同主體及背景距離
咁第2 第3項就唔關部機係唔係普通DC事,
第1 項就要睇下你部機有冇呢個FUNCTION.
其實就算係普通DC都有SEMI-MANUAL 模式你揀,
最緊要係如果部機有光圈先決既MODE,
咁調較到最大就係唯一方法.
如果冇, 冇符. 不過人像MODE點都有勒掛,
用佢囉. 不過冇咁易操控.
另外兩樣就好簡單, 行近一O的主體,
同埋令背景距離主體遠O的.
呢兩樣係好多人都忽略左,
以為大光圈就大晒......

2007-07-10 13:54:20 補充：
所謂景深唔係指主體之間既關係,係主體同背景之間既距離,淺景深主要用係人像, 花卉攝影等主體明確既情況,圖中三支酒如果可以做到一支清一支矇,光圈起碼要去到f2 或者f1.4,邊部DC有呀? 就算有, 到時個反差又會變成另一個問題.我唔認為叫人買過部機係解決問題,而攝影亦唔應該單以器材以決定.景深既要點我已經寫左, 放係咩機都係一樣,只係, SLR同DC出黎既效果會有分別咁O者.

DC就算唔係全自動,基本上景深都好難有大控制,光圈大小基本上冇乜影響,焦距除非好極端例如四,五百嗰啲,否則又係冇乜影響,剩翻就係對焦距離,但係好視乎被攝物大小,大物件基本唔可以太近對焦,細物件基本上又唔可以太遠對焦,實質又係冇乜控制.所以有冇手動功能對景深基本上影響好微的.用有手動功能DC就可以影出淺景深只是一個誤解.

2007-07-10 09:04:48 補充：
你可以去睇下下面張相,DC用光圈控制景深的效果是很微的.至於再行近啲好多時又係行唔通的,就以影呢三支酒為例,佢地唔算大,即使行到咁埋都冇乜效果,再行埋啲就會爆框,得翻一支酒,咁你影人唔可以下下影一忽呱.http://dcfever.com/photosharing/enlargephoto.php?photoID=445207

2007-07-11 13:52:23 補充：
我建議發問者先生如果己經有部全自動DC的話,你可以去室內唔開閃光燈影張人像相,任何全自動相機都會開盡光圈,之後睇下個淺景深程度去唔去到你要求先決定要唔要換機.如果未買機的話,我建議你去pbase.com,search by camera睇下人地用DC影出來既景深啱唔啱你要求啦,我唔想喺度太多爭論喇.