女仔請入嚟解答吓吖？ 好吾明....

我最想問點解女仔同人講，個個男仔都係friend? 因為可能唔洗即刻表明那人是真命天子, 要專一, 不能再和其他男性去街, 講電話, 約會. 什至收人禮物.
識一個女仔，同個男仔去外國旅行，話"同個friend去旅行" .....哇, 有d野喎
佢肯同我食飯，見吓面，但送嘢比佢暗示我鍾意佢時，雖然肯接受但又強調是朋友。"朋友" 送禮物可以照收. 但普通朋友的禮物不可以收, 正所謂"無功不受祿". 有水魚送野, 當然收啦, 你情我願. 願者上釣.
又另外有一個女仔帶個男仔去朋友結婚，介紹又話係自已個friend (後來她倆結了婚) 應該已經係男友啦?仲咩仲話係朋友? 佢係唔想人地知道佢同個男仔有情侶關係啫, 唔係下下都要同人地三九唔識七的講哂自己的私事架麻, 話係 friend 無乜特別用意.
到底點分幾時講嘅係真朋友，佢會同你講清楚邊個係佢男朋友, 重介紹你二個見面. 又唔會無啦啦要你的禮物, 又唔會貪你的錢, 你要找佢傾心事or吐苦水, 佢唔會推你. 呢d就係真朋友.
幾時係男友？ 單獨約會+拖手 (一定要有)+ kiss........
(定係未結婚，個個男嘅都係friend)？都得架, 一日未嫁人, 都可以結識好多朋友.
謝謝解答。

2007-07-08 03:00:23 補充：
得閒揾你攝時間, 收你禮物, 要你請她食飯, 她找你吐苦水, 叫你陪佢買野行街, 總之你有付出, 但無回報的, 又唔直認你是她唯一的男朋友. 咁就是 "你係水魚".呢d女仔, 唔係真的想和你做真心情侶, 只是「拍散拖」. 享受拍拖時的女王服務.

都唔知你想問咩????
講清楚d啦....

她肯接受但又強調是朋友可能是對你有好感但未到接受你的愛．
其實不只是女仔，有些男仔也會這樣，
説個個男都是朋友，有幾種原因，
１．未放心或肯定大家彼此的關係
２．以單身身份想認識多點男性朋友
３．或者有另外一位心儀的對象所以不想說出自己已有了男／女朋友
４．想試吓那一個對自己最好或跟那一個相處最好．
５．覺得自己的感情事不用向別人交付．
６．想自己的男／女朋友更緊張自己．
７，想証明自己吸引異性機會大不大．
　如果那個女仔／男仔講對方係男女朋友，
１，坦白
２，覺得／認定對方是最愛了

會唔會係當時佢同個男仔的關係未穩定
所以同人地講係朋友？
我都識得有ｄ人
去到結婚一刻
都無乜人知佢地拍緊拖
唔係佢地派帖
真係無人會估到囉
所以呢ｄ都係個人喜好

若果你唔鍾意另一半咁樣處理
要同佢講清楚
如果佢鍾意你的話
都會適當調節一下既

我係一個男仔, 我都好想知道點解, 所以我入左黎睇.
我都有遇過依d情況, 我覺得非常討厭, 好似唔可以話俾人聽自己拍緊拖咁.
好似話俾人聽自己仲係單身, 隨時都歡迎其他人追咁.

其實同自己男朋友一齊好正常, 點解唔可以話俾人聽呢?