關於避孕針問題

我試過0係家計會打過啊, 3個月打一次, 要預先打電話去BOOK左先架, 價錢係幾多我就唔多記得, 如果你真係要打避難針0既話我覺得你諗清楚先, 因為我打完避孕針之後醫生話會黎一,兩個禮拜M, 但小妹係連續3個月黎M囉, 又唔係多0既, 每日少少咁囉, 跟住隔左3個月去問醫生, 佢話因人而異, 佢叫我打多支試下, 點知俾佢老點左囉, 又係黎足3個月M, 我前前後後加埋足足黎左半年M啊, 所以我提議食避孕藥好D囉, 每次連續食23日跟住停7日, 跟住又繼續食, D醫生就梗係話食藥之餘要用袋, 我自己就無喇, 亦都無出過事, 你驚0既話可以食藥之餘用埋袋囉

P.S.如果你想BOOK6點或之後, 你記住早2個禮拜BOOK啊, 因為0個D時間好FULL架

家計會打避孕針,嗰啲係三個月一針,但我家庭醫生話呢啲針會開始停用.
普通私人醫生都有得打避孕針,係每一個月一支.由你的經期第一天計,第七至十天打,我的醫生同我解釋過,如果你身材係瘦的話,最好第七或第八天就要打.因啲藥會存在脂肪內.肥人可以存耐啲,而瘦人會比較無存得咁耐.
我自從生咗個仔後,一直都係打避孕針 ,已經打咗六年.無試過打咗避孕針都懷孕.
但如果你係吸煙者,就要問吓醫生可唔可以打.因啲針打咗,而你係吸煙者,會令你血管栓塞機會較高,心臟病機會較高.
而亦有人打咗後會肥或者經期亂.

圖片參考：http://www.slfc.jp/mat/dot/dot04/052.gif

其實好多診所都有得打避孕針,唔使特登去家計會打,你可以係M到起計第7-10日內去打!