我岩岩買左紅蓮燈，唔想佢地死，應該點養?

１．我今日買左d紅蓮燈，我個缸係圓ge，只有15cm直徑，不過有十幾條魚啦.....因為一包包十幾條咁賣。

唔好意思，咁即係你有幾多條魚？本身十幾條，再加今日一包紅蓮燈？定係呢袋係你唯一o既魚？
袋裝魚死亡率高架，因為掛左o係條街成日，又熱又少水，之前舟車勞頓，狀態唔會太好架啦，萬一揀得唔小心係病魚就死得仲快。所以最好買缸中o既魚，貴少少都值得。
要養得好，做左基本野先啦，買魚時同缸有死魚病魚就忍下手，揀魚時要留心魚尾魚鰭有有摺埋，魚身有冇係咁擺動但係又唔游，有冇白點爛尾／鰭，呢ｄ都係明顯病癥。新魚先原袋放入缸令袋內外溫度一致（對溫），再將袋內水倒走一ｄ，然後每五至十分鐘逐少加缸內水入去，等魚適應水質（對水，時間因人而異），最後撈魚入缸水唔要。新魚最後餵完舊魚同熄燈先入缸，以免被襲。平時留意水質，一星期最少換一次水，水溫唔好高過三十度。咁會養得耐ｄ。
２．只有15cm直徑
計計數先．．．當你個缸有15cm高o既立方體，都係得約3Ｌ水。參考數字係一升水養長度 1cm o既魚。多個呢個數（超養），即係你可以養一條紅劍
圖片參考：http://hk.yimg.com/i/icon/16/59.gif
。你冇講你有濾水器，咁Ｄ魚o既廢物就靠你換水清理。你幾耐換一次水？換幾多？有冇養水？
咁樣入十幾條魚（當你本身冇魚），係咪紅蓮燈、係咪袋裝都死啦。唔夠氧氣，只諗魚大小二便冇被分解，成為水中廢物，累積至有毒水平，一係魚跳出o黎，一係死到令水質惡化全軍覆沒，一係死到咁上下達到平衡（你要keep住取出死魚，仲要有濾水器先做到）。
３．放左d水草同裝飾，連氧氣珠都無，某人話買氧氣珠不如放多幾條水草做光合作用啦!咁我就唔買氧氣珠，有無問題嫁?一定要氣泵嫁?
咁細個缸仔仲有裝飾
圖片參考：http://hk.yimg.com/i/icon/16/43.gif
？氧氣珠唔好用啦，魚唔同人，見到花碌碌只會夠得怪，佢地要ｄ自然ｄo既o野。水草做光合作用要光同co2；co2你個缸實有啦，仲要有燈，陰草如水榕可以用室內光都ｏｋ。但要佢做到足夠氧氣俾咁多魚就係奢望啦。氣泵仔幾十蚊個，十蚊一截氣喉一粒氣石，加三蚊雞買個氣喉夾，就可以控制出氣量。對魚仔好ｄ啦。
冇錯，夜晚呼吸作用係會搶氧氣架，你冇泵唯有臨訓換ｄ水啦。
４．魚糧
可以買片糧，浮o係水面，等魚仔有時間啄，慢慢會沉，亦會散開，粉粒實食到啦。
但係千祈唔好餵過量，你咁細個缸，水質變壞得好快，好難控制架。不過你又咁多魚．．．
圖片參考：http://hk.yimg.com/i/icon/16/43.gif

５．d魚無事就游哂上水面
係呀，缺氧呀。肚餓佢地只會周圍啄下，集體上得水面只會係想吸啖氣架o者。即刻換三份一水啦。
但係，大哥，唔係辦法喎。你咁多魚，直情係好似叫你全家人住個廚房咁，仲要唔開窗俾你透氣，係困魚唔係養魚，只係睇佢地幾時死。一個一尺o既缸百幾蚊有交易架啦，搞搞佢啦。濾水器亦係必須器材。

2007-07-08 02:38:25 補充：
既然有氣泵，可以買一截喉，一個三叉，一個夾，分少少氣過缸仔。但咁只係權宜之宜，始終魚真係太多。老實講，我個人唔主張用咁小型o既缸，因為生物都係要自然ｄo既環境，缸中有適合佢o既木石水草，有足夠地方游，群居魚有同伴，獨居魚有私人空間，咁先會開心。養魚o既人無非都係想見到咁o者。要養又只能提供到咁o既環境，我只有一個建議：鬥魚，一來獨居，二來對惡劣水質忍耐力強，三來可以o係水面直接吸空氣，四來顏色多，型態靚。無得頂啦。燈魚少過三條佢地都唔開心，亦冇群游睇（雖然唔係種種都鍾意群游），無謂啦。

新買的燈魚係弱d, 由其係一袋幾十條..甚至100條果Ｄ..
15cm個缸 好難養得好你袋魚, 因為魚太密了
一係油佢死到d魚數目夠生存到為止, 一係就分缸
新環境唔食野都正常, 但如果係太大粒食唔到就唔掂, 可買些袋裝微粒糧,
平既$8袋 , 都有排食了. 養耐些先買Ｄ貴Ｄ既都未遲
//如果連最細既微粒糧都食唔到(無乜可能)... 可用鎚仔再整碎d, 但會較易令水dirty

你Ｄ魚好大機唔夠氧bor.
加上水草night係吸氧的. 長遠來說有個掛濾/ 氣泵 會好d
但你個缸15cm... 似乎氧珠+水草 比較適合你. 唔係就要換大d缸了。

2007-07-08 01:56:19 補充：
個人意見:其實個缸15cm,. 唔好養燈魚ar1, 發揮唔到燈魚群游既美態2, 空間有限難加器材, 水質同溫度難控制, 燈魚難適應啊下次可買Ｄ大過燈魚少少既魚黎養, 你個缸養2-3條都幾ok ga因為細缸養少d魚仲突出到佢地