紫微斗數(時晨)

閣下有５條問題，以下就針對性作答。
１睇紫微斗數係咪會問你拎出生年月日及時晨？唔止紫微斗數會問你拎出生年月日時，其他命理如八字、占星（要埋分鐘）都要，因為會準確好多。如果唔知出生時間，一般「話之你」ge茂利都會當你係００：００出生。
２如果真係唔知幾點出世？有心人（收三份錢）會將你畀ge時間，如果畀係辰時，佢地會向前向後各褪一個，即係同時算出卯、辰、巳三個時辰出生ge人ge性格各樣同埋際遇等等（首要條件，呢個相士必須非常準確），然後畀你睇下邊個最似你。但係再如果三個時辰都唔似，咁就冇晒符。
３唔知係凌晨定係夜晚，咁點算？最後唔好算，一切順其自然，費時o岩Ｄ唔o岩Ｄ（因為實係咁，同一日出生，梗有少少相似），盞搞到自己心成日心掛掛。此外，時辰方面，夜晚有戌時、亥時；凌晨有早／晚子時、丑時。
４如果講錯左,係咪會差好遠架？梗係，一日有十二個時辰，每個時辰都係代表一個獨一無二ge人，無論八字或星宿ge排列都絕對唔一樣。所以唔知道出生時辰，最好唔好算。再者，o係命理方面，除左先天命係冇得揀之外，仲有後天運係完全由自己去決定、去選擇。就好似人地成日講「孖仔孖女」點解命運唔同ge？原因就係o係呢度，就好似而家ge歌星「衛ｘ姊妹」咁，家姐o係後天揀左專注事業，細妹就o係後天揀左愛情，兩個人ge後天發展就自然唔同，但係佢地ge共同特性都係鍾意唱歌、表演事業。所以好多人成日將「命」與「運」撈埋一齊講，永遠都講唔通ge，尤其係算命師傅，成日都畀人問到呢ｄ問題，都畀人窒到口啞啞。
５紫微斗數一般可以睇到果個人d咩野運程架？可以計算到好細緻，如下：
５ａ先天命局，即係十二宮裏面ge事，命宮＝性格、命運；兄弟宮＝與同胞或死黨ge關係；夫妻宮＝心儀異性ge特點及與異性ge互動方式。子女宮＝與子女或者後輩ge緣份……如是者，加埋身宮，一個人最重要ge十三項都睇得到。這個先天命局係不變的。
５ｂ睇每一個十年ge大運，網絡上ge電腦排盤，我地都會見到好似「14-23」、「24-33」等等數字，就係去到幾多歲ge時候ge十年運勢。要睇十年大運就要用移宮易位方法，即係褪格仔。係屬於後天ge一個層次，睇到ge野只係一個啟示，唔會有注定，簡單講，我地選擇善，咁ｄ運氣就向善，吉星亮、煞星暗。相反地，我地向惡，咁ｄ運氣就向惡，吉星暗了，煞星亮了。
５ｃ睇到流年運，但必須睇埋係o係邊一個十年大運裡面ge邊一年，影響力係有，但就只可以o係十年大運裡面變化，譬如講，十年大運ge財帛宮煞星滿佈，但係流年時ge財帛宮（移宮易位後）就吉星滿佈，咁即係話，果一年ge財運，只係冇咁衰咁解，因為十年大運裏面衰左，流年運ge力量唔及十年大運。
５ｄ睇到流月運，一般都係將流年果一個格仔同時當係果一年ge正月，而二月就係順住時辰位置褪位。
５ｅ睇到流日運，一般都係將流月果一個格仔同時當係果一個月ge初一，而初二就係順住時辰位置褪位。（但實際就好少人知）
５ｆ睇到流時辰運，但係流時辰係點樣計出o黎，或者係o係邊一格，就更加少人知。
５ｇ睇到流刻運，一個時辰約等如現代ge兩個鐘頭，即係１２０分鐘，咁o岩得咁撟，紫微斗數又係有十二格，所以每一個格仔就等如１０分鐘。如果你知道埋你出生ge分鐘，咁就可以預測得好準，因為一日之內可能發生的事，每每都係o係你出生果個分鐘裏面最大機會出現。
補充：因為世界上每個人都有自己獨立ge一個命盤／八字，所以o係一個命盤／八字之中，係可以好準確咁睇到一個人ge一生，但係當問題涉及到其他人，咁樣就只可以睇到好少，因為假如你認為從自己ge命盤之中可以睇到你母親ge全個人生ge話，咁樣搞法，咁你母親ge命盤照計都可以睇到你ge全個人生。咁即係話，用一個命盤／八字就夠，駛乜搞咁多時辰出o黎。呢一點又係算命師傅畀人窒到口啞啞ge一個關鍵。
係咪好長氣呢？我自己就覺得係好、好、好、好、好、好、好、好、好、好、好、好、長氣喇。


2007-07-08 01:33:07 補充：
仲有一樣，唔好以為咁樣就可以算到下一刻有乜事發生呀，因為每一件事ge發生都有前因，然後先至有後果，即係只要前一刻選擇左ａ，咁就會有ａ結果，而我地o係前一刻ge選擇，就可以千變萬化。亦即係涉及到「運」，就唔會有注定。呢一點亦都係一ｄ畀人窒到口啞啞ge問題。