YOKI 先生今日 1073 曾升到 1.52

看似是升的機會比跌的機會多！

是否此股開始走強？我認為是！

今日的上升因素是什麼？

我自己認為當大家對此股灰心，開始媽媽叉叉時，但此股竟然媽極都再落的時候，往往就來料！

有人說過會變毫子股添！係就好了，最好跌到０．０１仙，我同你慢慢收購，到甚個百分比，要公司畀個執行董事我做，收多一份量都幾好喎！或者我用＄０．０１仙的價值，同你全面收購，仲要私有化埋佢！公司賺大錢，唔駛分畀人！

之前我說過，當大價股開始旺完後，細價股就開始：

http://hk.knowledge.yahoo.com/question/?qid=7007062102051

但遲了一星期才靈，指數股中之前帶領大市升的，今日多好多都升唔郁，又開始輪到長和系及地產股接力，炒落後！

我自己是看好浩倫（１０７３），但我最後都要減持收場！我對自己的信念是有堅持，但太過堅持的話，有時就會形成思想上的盲點！

當人在出一種行為或決定時，往往是受制於當事人的經歷，這就是我們要研究人的背景的原因，要研究時事國事，往往也要拿一大堆歷史去分析！甚麼技術分析，不外乎出於統計學的一大堆數字，甚麼掌相，也不是原出於統計麼？

我今次減持，這個行為，也是反射我之前的經歷，太過固執有時真的會成大錯，但不堅持自己信念，往往又捱不到終點！

之前有隻林大（９１０），不是跌到呀媽唔認得咩？

我入的價位只是＄１．１及＄１．３５，跌穿＄１我都唔投降，直至跌至＄０．８２，我經紀打電話畀我，恐嚇我佢會跌到幾毫子，還列舉許多原因去說服我，勸我沽，於是我就沽了一注，剩番一注我冇眼睇！到最後，又是誰對誰錯呢？

下次佢再打這些電話畀我，就是見底的訊號！當佢話華基（１５５）跌得好勁，見＄０．５Ｘ的時候，又是見左底！

技術分析往往是依書直說，但你識睇圖，好多人都識啦，你估幕後啲老闆唔識，淨係你識咩，你話＄１．４唔穿，就督穿畀你睇，問你投降未？你話錦江（２００６）＄４跌唔穿，就督穿畀你睇！問你投降未？

於是個個投降，往往又是到左底！

我之前曾經有中遠國際（５１７），中國人壽（２６２８）及天津發展（８８２）都是畀人震到破晒大位，局住投降！要跌破好友的最後防線，先至跟住來料！以史為鑑！

今次震我唔走，因為我而家實力比以前強，我而家唔驚佢，當日我畀人震走，因為我當時身子弱頂唔順！

因此，我時常說，世界上是冇什麼所謂對與錯，只有強與弱之分，今日你強，唔代表你永遠都是強，強與弱的比較是存在著一個時間性因素，在這一刻你強，唔代表明日這一刻你強！如果世界就是咁簡單分得出強弱，毛澤東就唔會打贏蔣介石，強弱的因素是隨時間的改變，其他因素也在不停的轉變中！

我唔再加注，雖然睇好，我同樣是受到的的經歷反射！我最失敗的地方就是沽注一擲，全軍出擊！所以現時我是分散策略！我減持浩倫（１０７３），最大的原因是我成身貨（５注），佔比率達１４％，而家減持得番３注，我又冇乜心理壓力，我又可以安心繼續揸下去！

點解我唔去學人摸頂，又相反走去撈底？也是經驗反射了我的思想，可能我也可能是錯，我也會去反省一下！

摸頂，通常是高興的時間多，因為摸得頂，通常隻股是升緊，可能日日拍手掌！
撈底，往往唔開心的時間多，因為撈得底，通常隻股是跌緊，可能日日抹眼淚！

跟紅頂白，抑或人棄我取？

最近的撈底不能即時有收成的最大原因是我入早左，因為我因瀚宇博德（６６７）及中國食品（５０６）畀人快左我一步，所以而家變左我出手過快了，所以要捱價！我的思想也受到自己的經歷反射左我嘅行為！

浩倫（１０７３），今日的升勢，十分厲害，不但破晒位，升穿各主要平均線，而且成交突然增加了很多，加上未至超賣，之前又嚇怕了那麼多人，個個都話升番少少就走去沽，但這次又是邊個去買呢？唔通之前猛呻的人今日自己買番？

牢騷太盛防腸斷，風物長宜放眼量。莫道昆明池水淺，觀魚勝過富春江。



圖片參考：http://img151.imageshack.us/img151/977/107311sa6.jpg


YOKI WONG
圖片參考：http://hk.yimg.com/i/icon/16/1.gif

樓上那個說的好﹐但洗湿咗個頭冇計﹐唔通白白送錢比人洗﹐如果呢只蝕啲走個只蝕啲又走﹐咁樣買股票賺唔錢﹐有位股市分析师講過“你想要在股市賺錢嗎？那麼你就要有耐性”。

..無奈..呢隻野由網上既人吹噓到依家.唔好講佢跑輸同業.連恆指同國企指數都跑得快過佢.依家只不過跟除大市爆升而彈番少少..又有人走出黎話呢隻好野.自己眼光不錯云云.更不切實際.望佢跌到幾仙可供其大量收集.其實我都想隻1800跌返去招股價.又或者中國人壽返番佢5蚊.其實係幾個月前有人係度叫人買..到依家究竟大家賺到多少??唔輸都偷笑..如果大家買股票只係望佢上上落落守住家鄉價的話咁你就買對股票了..

連吹噓呢隻股票的都作出減持行動時侯便可知其對此股之信心有多少..

其實每隻股票都會升..只不過..係時間而己..如果大家係大牛市持有的股票大落後..咁你就要諗諗點解..當然如果你話你係諗住長渣的話可當我無講過.我都肯定1年,2年或3年後佢會升
!!
大家趁反彈好走人啦..如果仲睇好既可分批減持..

本人策略係如明天收市前升到1.65以上會睇多幾日,否則會係1.5-以上減持一半以待買入其他股票..再睇多2日..仲未可以突破到走全數沽清..

其實大家買呢隻股票渣幾個月..唔係為左賺20%咁少痳..個個都話睇$1.7..

又一次在YOKI兄身上學到嘢,真的很感謝佢!
1073我都有貨,但祇有1注,$1.4x入,好彩早排沒有被佢震走,還想在前幾日幾次都跌唔穿$1.33的時候加注,但見個市抽升得那樣急,咁瘋癲,現在還炒到藍色股,有些害怕點到藍燈籠時就是散貨時,所以結果沒有再買,但我都是看好佢的前景,長線該看好..

可以入，目標價1.7