戴隱形眼鏡. .

近視其實唔係太深(低於800度)的話唔會對副con既價錢造成影響，如果你想配有埋散光度數既con，價錢會比一般近視con高，一年長戴的話都要成千蚊
假若你散光好淺，如少於一百，可以選擇唔配散光鏡，最平既廿百幾蚊都有
但係你在眼鏡88果d地方配的話一定會貴幾多下，可能要四五百
我以前去'名店'配最平果隻都係廿百幾，佢都算係連鎖店，都有信譽保證，你可以考慮下

如果你從未戴過con，當你去配既時候，d職員會比你試戴下一d即棄既con，睇下你對眼適唔適應，同埋教你點樣去戴con
因為自然反射既關係，第一次戴一定會成日想合埋對避開戴con果隻手，同埋初初可能會覺得對眼好似有塊野撻住響對眼度，有d唔慣，不過習慣左就唔會有問題的了

每日戴完隱形眼鏡之後都要用專用藥水捽乾淨副con，再用藥水浸至少4個小時，如果隱形眼鏡洗得唔乾淨，或者d藥水受細菌感染，d菌就好易入眼，對眼睛造成損害
所以而家好興戴一日即棄既contact lens，因為衛生d，不過價錢一定同長戴既唔同
不過只要你小心處理清洗con既過程同埋適當擺放藥水，咁就唔會有問題架喇

我今年也是15歲, but 我上年已戴緊con
其實戴 con 最緊要乾淨,每次帶 or 除都要洗手。如果唔帶即棄的,重要更加小心,一定要用藥水洗乾淨。而且要用信譽良好的藥水,以免有細菌。
另外不要戴 con 戴很長時間,否則令眼睛不夠氧氣。
戴 con 有一定的風險 - 爆裂等,所以想清楚才戴 con。